[جفاا]

لمس حبك كثير أشياء في روحي
وعلّمني أخون الحزن واعيشك !

معك ماعدت احسْب حساب لجروحي
معك صرت أعشق غيابك وتطنيشك !

[الشاطئ المهجور]

تباعدت عنه خايفٍ شوفتي تاذيه
لو آن الخفوق بسبة الشوق عناني
هـذاك .. آتلهى عنه لا مرني طاريه
ليا قلت آبنسى .. يمه الفكر وداني

[جفاا]

بديت أشوفها ؛ عيوبك ،
أكيد إنه تغير شي !
بديت أعدد ذنوبك
ولا بغفر وقلبي حيّ .

[الشاطئ المهجور]

صآبني مآ كـفآني .. وآلمقدر جرآ
وآعنآ آلقلب من جرح آلهوى واعنآه
صار قلبي وعيني بالعذاب خشرآ
كل ما حن قلبي ، هل دمعي وراه

[جفاا]

يمه انفثي حزنك غنيمه فصدري
لاتشتكين الضيق خوذي شهيقي

اجني حصادك واقطفي كل زهري
انا نبت اعطيك ذوقي رحيقي

[الشاطئ المهجور]

كم واحدٍ ما نال من هو تمناه
لكن تشوفه ساكتٍ ..ما تكلم !
لو كل شخصٍ لا بغيناه جبناه
ما كان تلقانا عليه .. نـتـألـم !

[جفاا]

يَ انعكاسي في مرايات الترف
ما بقالي بعد هذا الورد شي !

ولو يحس اللي ورا ظلّك ، عرَف :
انّ روحي ذابلة .. والورد حي !

[الشاطئ المهجور]

الحاجة اللي تجي من بعدها منه
لا بـارك الله بـ ماخذها و معطيها !
أطلب كبـير العطـايا معطي الجنه
رب البشر لا طلبته، ما ذخر فيها !