[سعد بن عادي]

تدللي وآمري واخذي من اللي تبيـن

انا وشعري فدا عينـك وسلهامهـا

ياحلمي اللي تعبت ادوّره من سنيـن

يانفحة ٍ تستلـذ الـروح بأنسامهـا

الشوق بإسمك يدوّن .. والعنا يستكين

والناس من دون قدرك تصغر احجامها

[سعد بن عادي]

الجفا .. وفق منظوري وحسب اعتقادي

مصدر الهام يروي بالتعب كـل شاعـر

حسبي الله على طبع الغيـاب الارادي

كم يغيظ الجروح .. وكم يقيد المشاعر !

[سعد بن عادي]

اخطيت يامتمهمني بالجفـا والصـدود

واسرفت بالظن الآثم في حديث الـرواه

ماهوب انا اللي لسانه بالامانـه يجـود

مع كل ذعـذاع ويغنـي لكـل اتجـاه

واذا معك ماصنعت من الحواجز حـدود

هذا علشان شخصك في الضلوع وغلاه

عطفا على ماسبق ماني بحاجـة شهـود

احتاج منك اعتراف ٍ بالخطـا وانتبـاه

لاتنثر الشوك في درب ٍ ملتـه الـورود

قلبي من العام يدرك وش له .. ووش علاه

لو كنت ما اعدّك اجمل ماخلق في الوجود

ماكنت اشوفك واحس برغبتي في الحياه

[سعد بن عادي]

على مايبدو ان اقسى شعور يواجه الانسان
اذا في يوم حاول من جروحه يخلق الراحه

يبي يخفي ويصنع للتصنّع حنجرة ولسان
وعينه بالكلام اللي يبي يخفيه فضّاحه

سلاحه حسب مأثور المصادر نعمة النسيان
ولكن للأسف صعبه يدينه ..تملك سلاحه

[سعد بن عادي]

تدري وش الابداع .. لاقالوا ابداع

انك تسوي شي .. من صلب لاشي

اما كذا والاّ استرح وامسك القاع

ماياخذ الميّت .. مكانه مع الحـي

[أثير الشوق]

طاب مساءك سيدي الفاظل

يمكن اكون قطعت حبل افكارك ...اعذرني
ساتابع بصمت مثلما نوهت
لكن موضوعك جدير ويستحق ان اكتب
مرور

شكرا لك على ماتنسجه لنا من ابداع رائع

[فضي البراك]

كن ودك تغيب ولا تغيب



لا تغيب

استمر .. متابع ..

[سعد بن عادي]

اقتباس من مشاركة أثير الشوق طاب مساءك سيدي الفاظل يمكن اكون قطعت حبل افكارك ...اعذرني ساتابع بصمت مثلما نوهت لكن موضوعك جدير ويستحق ان اكتب مرور شكرا لك على ماتنسجه لنا من ابداع رائع

ومساءك أطيب أختي الكريمه .
وتسجيل مرورك ومتابعتك بلسم للروح وشرفتي والله وكوني معنا دائما .