[مرزوق العجوني]

بيني وبينك بعـد وحــدود واسـلاك
غالي وتـبقـى ويـن ما كـنـت ... غالي
ياليـتها يـوميـن ...والثـالـث القـاك
وصـلك نهـار و ب ع ث ر ت ه اللــيالي

[مرزوق العجوني]

مـ أقـول أحبه الا أنا ميتن فـيـه=وشلون ما حبه وهو راس مالي
وليته كثر مـ أعشقه وأهواه وأغليه=مايقطع اللي باقين من حبالي

[مرزوق العجوني]

لميت جرحي واحتضنته وسافرت=ما للوداع بخاطـري غير تجريح
ودي ولكن انصدمت وتصبرت=واقفيت اشد اخطاي بالغصب لا اطيح
ما هو جفا انا وفـي ما تغيرت=عقب الوداع فراق ما هو بتلميـح
ياليتني دمعـة فراق وتبخرت=لا احساس لا وجدان لا قلبن يصيح

[مرزوق العجوني]

فقير حظ وراس مالي ثيابي=وأبسط طموحاتي تهز أعمدتهم

فاتح لهم قلبي وطيبي وبابي=وعيونهم قبل الحكي فاضحتهم

قالوا وقالوا واشبعوا بأغتيابي=هذي نواياهم وذيك ألسنتهم

حتى وأنا اتألم وأموت فعذابي=دمعات عيني بالحزن فرحتهم

[مرزوق العجوني]

مدري القصايد فيك وش ممكن تكون ؟!=لا صرت صفحة بالغلا مالـــهــا طـــي
ما أبيك تسأل كيف أنا أغليك وشلون ؟!=الحب كله فيك أنا أشــوفــــه شـــــوي
يكفي أشوفك كل شي بــهــــالـــكـــون=ويكفي أشوف الكون دونك ولا شـــــي

[مرزوق العجوني]

الصبـح ودّع و المـسـا يحضـن الشـمـس =والارض تنـزل والسـماء تـرتفـع فـوق .. !!
عـيـني على بكـره وقـلبي مع الامـس =فيـني تنـاقــض ما لقـيتـــه بمخـلــوق .. !!

[مرزوق العجوني]

تـــدري وش اللي يجبـــر القلب يسكـــت=أنه عسى اللــه يصلحــه ]ميــــــت(ن) فيــك

[مرزوق العجوني]

من جديدي
.
.
.

لا مرني طيفك الساحر تنفسته=وخليته يجول وسط الروح وارويته
وفتحت له شرفت الخافق وسكنته=وخليته يعيش كنه ساكن بيته
لو يطلب الروح والله ماتخاسرته=جعلي فدا بحته لادق ووحيته
ولو حاولوا يبعدوني عن مقابلته=قلت اسكتوا خاطري يرتاح لا جيته