[سعد بن عادي]

رحل سلطآن ؟ لا والله بقى سلطآن
بقى عايش ! فخر في خافق آيتامه

رحل .. واسترسلت في فقده الاحزان
عسى الله يرحمة .. ويشتت آثآمه !

[سعد بن عادي]

.

.

بعض المشاعر / بعثره دون ترتيب
احتاج ارتبها / من الشوق زدني
انا اعرف اني /بقنص الدر واجيب
حتى البحر يبطي عظم ما حجدني
حتى لو اني عن سماء الشعر بـ اغيب
احس كن الليل عني نشدني
ارقى بهقواتي: طوال المراقيب
واللي يدورني بصدقه وجدني

[سعد بن عادي]

ماعاد باقي غير اوادعك وأروح
وافرد ظلوعي لـ / المقابيل دونك

لو انك أغلا انسان وتساوي الروح
الله يكون بعون قلبي وعونك

[سعد بن عادي]

مع اشواقي على درب المحبه لو اعد اخطاي
طلع شوقي على عد الخطى واحرق حساباتي


وانا ياللي نذرت العمر لعيونك تعب دنياي!!
رمابي من رحابة كلمتي في قبظة سكاتي


لا صار انك خريف العمر واوراق الطموح امناي
تساقط منك ياللي هقوتي بك تجمع شتاتي


دخيلك مابقى فالعمر كثر اللي تعداء جاي
على شانك تخليني لحالي في معناتي

[سعد بن عادي]

يا مستغـلّ الغـلا و معقّـد الناظـر
ماتدري ان الغلا مثل المرض . يبرى؟
سلّم على اللي مضى واستقبل الحاضر
ما عاد لك فيه لا صـوره ولا ذكـرى

[سعد بن عادي]

الانسان يضعف لا شكى حالته لإنسـان
وانا كل ذنب اقـول هالذنـب وابتـوب
ياليت الدموع اللي ذرفت اخر الاحـزان
وياليت الجروح اللي توالت طهور ذنوب

[سعد بن عادي]

..

لا .. للمشاريه و انـواع العتـاب .. و نعـم

لمعانق .. الشـوق والابيـات .. و اوزانهـا

لبّست .. شعري من احساسي شماغ .. و معم

واهديته .. اللي سهوم المـوت .. فاعيانهـا

وابراي .. لله ماعاد القـى لشعـري .. طعـم

الا .. ليـا قامـت اتعـدّه علـى .. لسانهـا

..

[سعد بن عادي]

إلى من الحزن وقّف على بابي فـعز البـرد
أخاف إن الحزن يبرد وأنا أقعد بالدفا لحالي!