[كبرياء امراة]

‏جيتك مجرد عاشقن جابه الشوق
يكتب معاناته على بيض الاوراق

جيتك قصايد عشق عاشق لمعشوق
يفـز له قلبن من البعـد مشتاق

[النمر1012]

كل المساحات خضرا والمطر من سمـاك
صحرا الجفاف أن غشاها الغيث قالت هلا
وأن مارسمتك على صفحات شعري ملاك
بـلاش نضـم القصيـد اللـي بليـا ولا
وشلون ابدله عن اوصالك وضحكة شفاك
والله لبطي وانـا أحبـك وغيـرك جـلا

[كبرياء امراة]

‏الـرزق مكتـوب والأقــدار مكتــوبة
لا تشغــل البـال بالدنيــا ومـا فيهـا

احـرص على طاعـة المعبـود والتوبة
وباقي أمـورك تـرى ربــك يسويهـا

[النمر1012]

كتبت لك يامهجتـي ثـم سطـرت
خطين تحت اسمك تميّـز عفافـه


هذي الحكايه جيتلك مـا تأخـرت
رغم الظروف ورغم طول المسافه

[كبرياء امراة]

بعض البشر تغليه لو ماتشوفه
يجذبك له شيٍ غريبٍ بـ الأحساس

تسمع كلامه ثم تقراء .. حروفه*
تبحر معه تنسى مشاكلك والناس

[النمر1012]

يابنت يالي خذيتـي الطيـب بالقـوّه
الطيب جبتيه من عمك ومن خالك


وصفك كمال ودلال وزين ومـروّه
ويكمّلـه حلومنطوقـك مــع افعـالـك

[كبرياء امراة]

‏كسر القلوب اشبه بكسر الزجاجه
متـى نلاقي من عنا الوقـت منهاج

هذا زمان ان جيـت تبحث الحاجه
ياكثر ماتلقى مشاريه وازعاج

[النمر1012]

ياتيك يمشي سنا فـي ظلمـة دروبـك
لـوّ انّـه مجبّـر الساقيـن لـوّ انّـه
يتبع حصىً ما يوافـي دقّـة طنوبـك
ولا ضاق منها عيـونٍ عـور شافنّـه
طيرٍ له انت السما وامنيِتـه يجوبـك
عشقٍ يرى مهجتك لاسـراره الكنّـة
لا همّ له غير هـمّ يجيـب مطلوبـك
وتكون بالخير عنـد اقصـاك مطرنّـه