[النمر1012]

انا والحنين وخادن الصمت والغدرى
ثلاثة يعدّ الأول الثاني الثالث ،
تملّ الهجوس و يطرب الواهس الادرى
وتنام العيون ويصحي الساري الغالث
معي من حساب الامس تشفيرة المدرى
ترب البطون و تغسل لسانها الوالث
اجنب خباث طبوع و وجيههم ودرى
واخاوي ولد صنديد للمرجله هالث ..

[النمر1012]

ياشهر شعبان تكفيك الضيافه
وياشهر شوال تكفى لاتغيب
الشهر يازين بادي بنتصافه
والقى مابيننا ماهو قريب
ان وصفت الحب بيفسر سخافه
وان سكت القلب يكويه اللهيب
وان ذكرت الطيب زدتي به لطافه
لان اصل الطيب ياخذمنك طيب
ياشفاه التوت ياسكر كنافه
ياسعادة غالي بلقيى حبيب
القمر في غيبتك يبدي انخسافه
والنجوم تراقب الليل الكئيب
انتي دوله وانا في قلبك خلافه
يكفي اني بس اعيش بهاغريب

[النمر1012]

المشاعر ( بيت حاتم ) .. والمحانـي زعفرانـك
وانت /واشواق المحبه / وآخر آمالـي .. ضيوفـي


اقدع .. انفاس المحبه .. واطلق لعذري عنانـك
ما يوازي خوفك المكسور .. ربع اكسـور خوفـي


قد حلفت إني ابيك .. وعادنـي واقـف وزانـك
وابتعدت ورغم كل اللي جرى .. ضاعت حلوفي

[النمر1012]

فكي لثام الصمت خلي شفة الكلمة تبين
وشدي جناح السالفة محتاج أسافر للسحاب
فكي غموضك سولفي واروي عطش عين ٍ لعين
لا تذبحين بداخلي شوق اللقاء عقب الغياب
يوم التقت عيني بعينك طالبك لا ترمشين
نويت أغوص البحر الأسود واكشف أسرار العذاب
ودي أكون المبتعث خلف الهدب والحاجبين
ادرس معالم رغبتك وارفض نظام الانتساب
يمكن بقلبك حب.. يمكنك بعد تتعذبين
إلى متى نسكت وكلن في نظر عينه عتاب
احكي وقولي واسمعك.. وان قلت لازم تسمعين
لاصرت قدامك سؤال .. كوني معي كل الجواب
فيني سؤال ٍ عالق ٍ بالفكر محبوس وسجين
وش فرق ؟ وش وجه الشبه بين السحابة والضباب

[النمر1012]

رض عطشانة والأمطار شحّت
والزرع ذابل واتعب الفاس فلاح
مصايب الأحداث هزّت وصحّت
قلبٍ تنفس نسمة اسنينه جراح
نفس الكريم اللي من الجود فحّت
ترفعت فوق الخساير والأرباح
ناسٍ تصم آذانها ما توحّت
أنين من صارت هياكلهم أشباح
حتى العصافير الجميلة تنحّت
يوم انّتف من صدرها ريش وجناح
شابت خناجرها والأصوات بحّت
ما عاد نسمع صوت للريح صداح
أصابع الأيام جابت ومحّت
اجمل عطر في الأرض زاكي وفوّاح

[النمر1012]

[النمر1012]

بين الأماني المقفيه و الذكريات المقبله ..
أمشي وخطوات الحضور أرسم بها جُرّة غياب
أتمهّل إن مرتني أيام الرخا.. مستعجله
و اقول لو تقبل علي بالمال : يامال الذهاب
قدَرْت أعيش الواقع اللي ماقدَرْت أتخيّله !!
مدري أصبت العذر أو في عذري.. أخطيت الصواب
بس المهم : إني قدرت أضرب لغيري أمثله..
وشلون.. ما يرجي ثواب الصدق أو يخشى العقاب
لا هو غرور و لا تواضع.. كل مافي المسأله..
ياصاحبي.. إني رفضت أحْسِب لغير الله حساب
طرد السراب لْمن يحَسْبه ماء.. ماهي مشكله
المشكله.. طرد السراب لْمن يعَرْف إنّه سراب !

[النمر1012]

اصبحت كل القصور العامره خاويه وين تلك عيون نوها واحضورها
ب ع ي
د ن م ر