[سعد بن عادي]

نزولاَ عند رغبة حضرتك ياسيـدي بـ/اغيـب
انا اول من عرف درب الضياع وراح بـ/اقدامه

انا حاضر , وانا متأكد اني لـو بغيـت اطيـب
ماراح اطيب .. وجروح الفراق المـر لوّامـه

سنيني معك ضاعت , والسنين المقبله للغيـب
عسى يرضى عليّ الليل بعدك وارجـع انامـه

طلبت فراقي وهاجـس يودينـي وذاك يجيـب
من الي غيّره ؟ ولا من الي راود احلامه ..!!

[سعد بن عادي]

الليل صلف .. وشمع الأفراح غافي
واللي ذكره الحزن .. وشلون ينسى ؟!

وصدر الجبيل إن طوّل الليل .. جافي
وإن حنّ ليله .. عشر ليلات يقسى !

كم لي أسكر باب بيتي .. خلافي
وأطلع أدوّر حضن ساحل .. ومرسى !

ارمي به دموعي .. و صمتي .. و قافي
وألقى بعد طول السهر فيه .. ممسى !

ما ألقى سوى زحمة جمود .. ومنافي
وأحاول انسى الحزن .. وأنسى إني أنسى !!

[سعد بن عادي]

لا تكثر ظنوني عليّ ,, وتكثر ظنونك عليك

نفسي فراقك ضيم حالتها وقربك قوتها

أموت لك \ أموت معك \ أموت منْك \ أموت فيك

ضع خط ,, تحت الموته اللي تعجبك وأموتها

[سعد بن عادي]

شعور غريب ، اني قريب،
وأنك وطن، *واني متاهات وزمن،
وانك بعيد وانا القريب،
واني حزن، واخطاي فالصحرى
كفن!
واني على كثر الأمل،
مالي حبيب،
واذا تكلمت، قالولي!
ترا، هذا النصيب!!

[سعد بن عادي]

ودنا بالطيب بس الدهر جحـاد طيـب
كل ما تخلص مع الناس كنـك تغشهـا
يدك لامدت وفاء لاتحرى وش تجيـب
كان جاتك سالمه حب يـدك وخشهـا
كل ماشبيت نار المحبـه مـع حبيـب
قام يسحـل فـي مشاهيبهـا ويرشهـا
وكل ما واجهت لك فالزمن وجه غريب
مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب
جعل قشاش الحطب لاسـرح يقتشهـا

[سعد بن عادي]

يارب وشلون اشكرك على النِّعم

والشكر نفسه عاجز انّه يشكرك

GRADE CHANGE AND INCENTIVE TRACKING


SAAD ADI RASHIDI MAINTENANCEC hange Grade Status9/1/2011already submit to SABIC
(DONE)

[سعد بن عادي]

ان كان ودك عقب ما تسمع شعوري لك تغيـب

اللي خلق عبده وقـدر لـه رحيـمٍ مـا نسـاه

تعال وانت تشوف وش سوى غيابك يالحبيـب

واحكم بنفسك من يحب الثانـي اكثـر فالحيـاه

ابغيبتك ظايق بعيني كل هـ/ الكـون الرحيـب

والصدر ما يلقى النفس والفكر ما يلحـق مـداه

قلبي يهوجس والمشاعر شوقهـا عـود لهيـب

وغارة ظنونـي مالقيـت اللها توجـه واتجـاه

وان قلت قول الكلمه اللي تنجد الحـال الكئيـب

ياللي تعرف اسرار قلبٍ هام فـي غايـة هـواه

الجرح لامنه نـزف يلقـى دواه مـن الطبيـب

لكن جرحـك يـا بعـد روح المعنـى وش دواه

ومنك انجرح قلبي وانا مارظى لك الجرح العطيب

وشلون جاني من يمينك جرح قلبي مـع عنـاه

لكن على اللي فيه ظن القلب ما لحظـه يخيـب

اللي تعيش امات بعد امـات دايـم فـي رجـاه

[سعد بن عادي]

.
.


وِش فيك مِن تالي تغيّر اِسلوبك!!
عايف!! فمان الله يا سيــِد الاَحباب
ناوي تروُح!!.. اللْه يسهّل دروبك
أصبر دقيقه بَسّ.. بفتح لك الباب


.