[صعصعة]

اقتباس من مشاركة أخـو جـزعـة ما همني بالناس مادح وذمام=واهل الحكاوي لا حكت ما عليه اللي يهم الورد لا هب الانسام=تقطف ورود الحب راحت يديه

صح لساانك
يااجزعااوي

[شاعر الصعاليك]

الشهيـر اللـي بـلا مـاوئ ياغـيـر ايمـانـه=كيف تظهـر مـن عيونـه دمعـة المجهولـي
كنت أحس بموقفه كنـي مـن احـد أخوانـه=أطـرب لصوتـه وحيـي فـكـره المشمـولـي
كان يعزف فـي نغـم وتـره وعـذب الحانـه=له صدى يطرب مسامـع راعـي المعقولـي
ميـر سافـر عـن بـلاده واختـلـف ميـزانـه=غلطتـه تسعـيـن ليـلـة داخــل اسطنبـولـي
جـاء معـه لهجـه . وعينـه كنـهـا زرقـانـه=فـي يـده سلـة كرْيـم ومـوسـه الحنشـولـي
نوب خف الكف يسقط في رخيص اثمانـه=ماثقـل حتـى يحـسـن . حـفـه . المامـولـي
شوف شكل الانف بعد أنه طمـس عنوانـه=مابقـى الا الشفتيـن وحنكـهـا المصقـولـي
ميـر أنـا باهديـه حكمـة دسمـه . ومليـانـه=كان ما ابعده التغطرس . وانتحا عن قولي
الاثــر مـاوصـل الـمــري عـلــى التـبـانـه=زالـت زبـيـده . ولـكـن عينـهـا ماتـزولـي

للشاعر / ناصر محيا ، ونقول له صح لسسانك
ملايين ، اشهد بالله انها من قلب
وهذا القصيدة أما غيض أو فيض

[ابن شلال]

الله الله صح لسانه شاعر بكل ماتعنيه الكلمه مشكور يالصعلوك

[شاعر الصعاليك]

جيتك يا أخو جزعا وأنا لي مطلوب = عندك وعندك يالمشورب لزومي
ودي بطير ٍ حر ما هوب مجلوب = ابيض نحر والريش صفت قرومي
عينه يا اخو جزعا كما عين رعبوب = وضربة مخاليبه تفوق السهومي
بهديه للي كل ما يخطي ايتوب = شخص ٍ زهد بالمعرفه ما يسومي
احيان اقول أن السوالف لها أسلوب = وأحيان أقول أني ما اعرف السلومي
وأنا على ما قيل غرقان في ذنوب = والكامل الله والبشر ما تدومي
لا اطرد ورى العالم ولا اجمّع احبوب = ولا اجلس مع الساقط وذر الرخومي
ولاني من اللي يلبس الثوب مقلوب = ولا أشكي من الدنيا وأسب الهمومي
بعض المواقف كنها تفتّح اقلوب = وتعلمك في خافيات الحلومي
والبدو قالوا رأي للحين مكتوب = يشرح وش اللي خافي ٍ بالعلومي
ثوب ٍ ما هو ثوبك ولا فيه معيوب = اخير لك من باليات الهدومي

[شاعر الصعاليك]

يا مرحبا يا ابن شلال ويالله حيه
يا اخوي عقب الكشخه ما عاد نشووفك
هههههههههههههه

[ابن شلال]

ههههههههههه السلام عليكم اول شي صح لسان راعي القصيده

وثاني شي والله اني موجود بس ماشوف احد واطلع ما اكتب شي العالم كلها غايبه

[ابن شلال]

الحر وش تبي به؟ يالصعلوك هههههههه

ودي بطير ٍ حر ما هـوب مجلـوب

ابيض نحر والريش صفت قرومـي

عينه يا اخو جزعا كما عين رعبوب

وضربة مخاليبه تفـوق السهومـي

[شاعر الصعاليك]

اقتباس من مشاركة ابن شلال ههههههههههه السلام عليكم اول شي صح لسان راعي القصيده وثاني شي والله اني موجود بس ماشوف احد واطلع ما اكتب شي العالم كلها غايبه

وعليكم السلام وصحت ابدانك يالامير
وانت اكتب بس والعالم يجونك ، اذا كان كلن
يفكر زيك ما لقيت احد ههههههههههههه