[سعد بن عادي]

ياضيقة الصدر شوفي غير عيني طريق

واخذي قساوتك من درب التعب وآطلعي

مابين حزن الحياه وبين فقـد الرفيـق

دخّلني الحزن في حآله من اللا وعي !

حلقي نشف ريقه وحول على العين ريق

وآذا نشف دمع عيني سال دمع اصبعي

وآدعته البارح وقفـى وقفـى صديـق

ان ضاق قلبي معه وان ضقت قلبه معي

[سعد بن عادي]

تحت مجهر التفكير وشعوري المرتآب

تروح المشاعـر ناحيتهـا وتقراهـا

ذكية ولمآحـه وفيهـا مالـذ وطـآب

من اول مشاعرها الى آخر مزاياهـا

يخوفني الموقف قبـل لاتفـك البـاب

اخاف ان وصلي ما درتبه ولا اشقاها

قبل لاتجيني ماحسبت لهواي حسـاب

ولا كل من جتنـي تسـوي سواياهـا

آحب التعالي وآكره اللعب بالاعصـاب

وآنا آعصابي ادنى شيء يتلف خلاياها

ادور سبب لفراقهـا وأكبـر الاسبـاب

تحطم شعوري كل ما أجي ولا القاهـا

غلاها من الله وابتليت بغلاها وشـآب

على بآبها المفتوح قلبي ولا جاهـا !

[سعد بن عادي]

عن .. عيون الناس غيبي ، وانتحي يالضيقه
دار .. دولاب الحقايق ، وانكشف [فحواها]

يشره ( الطيب ) ، ويلقى له قلوب مويقه..
لكن أصحاب العقول اليوم من يلقاها !!

[سعد بن عادي]

في خاطري ضيقة وزحمة غرابيـل

وهموم كفت في ضلوعـي ووفّـت

اربع سنين اعيش نفس التفاصيـل

لازان حالي يـوم / يوميـن زفّـت

اثر الفرح كافـر وفالمـده بخيـل

واثـر الليالـي لاتقفّـت تقـفّـت

مليت من كثـر التعـب يارياجيـل

لا البرد يذبحنـي ولا النـار دفّـت

كلمة ( فرح ) عندي مثل كذبة ابريل

قطرة آمل لاوصلـت الارض جفّـت

والضحكة اللي تجلي الهـم فالليـل

لابان نص الخيط الابيـض توفّـت

ولاجيت ابشرب من غسول الفناجيل

قامت رقآب اهل القهـاوي تلفّـت

[سعد بن عادي]

العيد تجديدٌ للعهد,وتهذيبٌ للنفوس,وتمديدٌ للتواصل بين الأحبه!

فللجميع هاهُنا (أطيب التهاني وأصدق الأماني بمناسبة عيد الفطر السعيد)
أعادَهُ الله علينا جميعاً أعواماً عديده,ونحنُ نرفُل في خير ٍ وأمن ٍ وصحّه وسلامه

.
.
همسه:
كِلْ عام و انت اِبــ خير يسلم راسك
و غاليك, مع مغليك.. يا واحشني
وْ تدوم في عِزّ, وْ تدوم انفاسِك
اللي بــِ زَفرَة عِطْرَها! تنعِشني

[سعد بن عادي]

يالله عليك الفرج يا فـارج الكربـه

يا من اليك الامور تعـود يـا والـي

يا عالم اللي ورى الاضلاع نشعربـه

يالواحد اللي عليـه اعلـق آمالـي

مقبلت الايام مـدري وش تبشربـه

في وجهها خيـر والا فيـه غربالـي

مقـدم الدولكـه ومعلـق القربـه

ناسٍ لهـا فالهـا وانـا علـى فالـي

اصوم واحرص على المسجد وابي قربه

لو ان جيش الفتن فالـدرب يبرالـي

الخيـر احبـه واماريبـه وافاخربـه

والشر راعيه لا عمـي ولا خالـي !

الشر عنـي قلعتـه وانقلـع سربـه

والخير حطيت له فالصـدر منزالـي

[سعد بن عادي]

الواقع محطم والاحلام فلين *** والنفس تبكي ما سمعتوا نحبها

[سعد بن عادي]

حقك علي أعيشك احلام وأوهام
ياللي من منول في حياتي حقيقه

نمشي على كف القدر طول الايام
وافراحنا واحزاننا في دقيقه

على الورق وسطوره تنوح الاقلام
صبرت لين الصبر ماعاد أطيقه

عروق قلبي سجلت ضمن الأيتام
والكون ياوسعه وعندي ياضيقه

الي ذكرت العام واللي ورى العام
تشب في داخل خفوقي حريقه

الله يجازي من زرع بيننا ألغام
وخلى المفارق حل واسهل طريقه