[الوآآفي]

ما هل بالفرقا الدموع
وما قال وينكـ يالحبيب

في قلب ماليهـ الخشوع
رقيب و يناجي : الرقيب

[بعيد الطواري]

ترى السكوت احيان خصله من الذوق
لاصار كثر الهرج ماله مسامع
ماني من اللي لاهرج هرجته بوق
ولاني من اللي بالحكي له مطامع
انا كلامي يوم قلته من الشوق

تعبير صادق والشواهد مدامع

[الاميرة ساااره]

( انا ) السفيه اللي تعلم من الناس

وعلم( جميع ) الناس وش هي اللباقه

[حنان العنود]

جفّ الكلام ومدّت إيدينها فوق ..
إخترت هذي وإنت شفّ لك سحآبة

قلت ويديني تحتضنها مثل طوق ..!
اخترت هذي .. هذي اكثر رحآبة ..

هذي دفآ صوتٍ من البرد مخنوق
هذي سؤآلٍ نص عمري جوآبة

هذي هي اللي عرّفتني على الشوق
هذي قدر مآكنت حآسب حسآبه

[الوآآفي]

العيد مايحتاج لهـ كثرة هدوم
يحتاج لهـ وصل وسلام ومودهـ

عايد بني عمكـ وخصص لهم يوم
وباب الزعل والكرهـ والبغض سدهـ

وزور الذي ما يقدر يصوم ويقوم
الشااايب اللي هدّهـ الكبر هدّهـ

وزور المريض اللي جفت عينهـ النوم
اللي قضى دهرهـ طريح المخدهـ

[حنان العنود]

لا غاب مابه من يحل بمحله ..

الخلق طيب والمنازل رفيعه

حل الوداع ودموع عيني تهله

ودعته وروحٍ بقلبي وديعه ..

[كبرياء امراة]

-





قلبـي تعرفـه يحبـك يعشقـك زينـي
ويفرح ليامن كتب ربي لنا مواجه

صحيح ازعل ويصبح خاطري شيني
لاكن تراني احبك و انت كل حاجه

[حنان العنود]

أحيـآن صدري من نظر عيني يضيــق

وأحيـآن لا والله .. من اللي أسمعه

مدري أنا اللي غير وإحســاسي رقيق !!

وإلا صدور النــاس .. مـآفيهـا سعــه !!