[رائد الذيابي]

أمر بتلك الديار ديار عبلة .....
واقبل ذالجدار وذالجدارا ......


وما حب الديار شغفن قلبي ......
ولكن حب من سكن الديارا......

[حنان الرشيدي]

بحق الذي يخلق وللعبد رزاق
عن حب غيرك سكر القلب بابه

جتك المشاعر ضاميه حيل تشتاق
تسألك حبك.. وش تكون الاجابه؟؟

[عاشق الصحراء]

لقيت الحب دنياًَ ماتوصف
بـها اقسى تعاذيب الزمان

[رائد الذيابي]

شفتك تشيل الورد واحترت انا فيك

مدري تشم الورد والا يشمك

[محمدالذيابي]

وين الرفيق الي تشيلكـ يمينه
اليا كثرت حولك رحاة السكاكين

[عبدالله مذكرالعويمري]

يوميـن قاطعنـي ولاترحـم الـحـال *** بالله قلـي كيـف ماهـزّك الشـوق؟!

انا ثملت مـن الولـه والجفـا طـال *** وإلا انت ماكنك من البعد محـروق!!

تركتني بين الظمـا وأشهـب الـلال *** مكسور / متضايق / وحاير / ومخنوق

حسبي عليك ان كان هديـت الآمـال*** اللـي بنيتـه فيـك طابـوق طابـوق

[محمدالذيابي]

أحـسـاسـي اكـبـر مـن تـجـنـيـك ورضـاك

يـلـي غـديـت بـدنـيـتـي شـي عـادي

عـلـمـاً يـجـيـك ويـوصـلـك ويـتـعداك

الـبـس عـلـى فـرقـاي ثـوب الـحـدادي

[ابو محمد العريض]

افتح شبابيك الهوى جيتك اليوم
باحساس من زود الوله وده ايطير
جيتك مثل طفلن له أيام محروم
عن حضن أمه أبعدته المقادير
جيتك مثل عودن له أيام مهموم
وده يلاقي بآخر الوقت تقدير
جيتك حضن عاشق وهايم ومغروم
وده يضمك لين تصبح على خير
متى تحس ان الهوى شي مقسوم
من قسمة الخالق على خلقه يصير
ومتى تحس اني لك اطيح واقوم
واتعب على شانك واقدرك وآغير
لي في هواك احلام وامال وعلوم
واحزاب واصحاب وقصيد وجماهير
وهموم وأفكار وهواجيس وحلوم
وادروب وأخطار وعذاب ومشاوير
وحب وغلا وإخلاص ومعاند ولوم
وإحساس والهام وشعور وتفاكير