[شاعر الصعاليك]

اقتباس من مشاركة بيطار الشعر صح اللسانك ياشاعر الصعاليك وعزالله انها قصيده وافيه من شاعر وافي ومبدع وتطربني دايماً ابياتك ومن معزتك ودي اعلق على البيتين الأخيره للفايده وأنا تعديت الاوادم بلا خرج = وتركت لي في كل ميقاف قصه (بلا خرج) احس انها ليست في مكانها الصحيح ولو استبدلتها بكلمه ثانيه كان افضل أثبت ورمحي فالمواقيف له زرج = خاتم ذهب ما ضاع فالوقت فصه هنا حطيت نفسك خاتم ذهب وخاتم الذهب كل واحد يلبسه هههههههههههه ولو كملت عجز البيت بشطر يتناسب مع الرمح كان افضل ,,, ولاكن لايعيب القصيده وانا لو ماهي معجبتني القصيده ما علقت عليها وربما اني غلطان ولاكن وجهت نظر فقط من اخوك بيطار الشعر ,, وتقبل تحياتي

يا هلا والله اخوي البيطار ، ووجهة نظرك على العين والراس يالامير ، وانت من الاشخاص اللي احبهم واقدرهم
وانا معك في ملاحظتك الثانية ههههههههههههه
وخلني اعطيك اللي عندي وانت احكم يالامير

وانا تعديت الاوادم بلا خرج ، والخرج معروف
هو زوادت المسافر ويكون فيها شربه واكله
علشان يقطع به الطريق ، وانا اقول اني تعديتهم
بدون اي مساعدات وقطعت الطريق .

والبيت الثاني معك حق اني ما كملته بشطر الرمح
والا كان يكون اجمل ، بس انا ربطته مع بداية
القصيدة ، ماني غشيم ولا مفهي ولا درج
وانا قلت خاتم ذهب وهو معدنه واصله من الذهب
والفص ما زاده جمال ، واحيانا فقدان الفص يفقد
الخاتم جماله ، وهو الانسان اللي اصله ومعدنه طيب
يكمله انه يكون طيب .

واتمنى انك ما تحرمني من ملاحظتك ، والله انها تطربني ، وتصححني للطريق السليم .

[بيطار الشعر]

اقتباس من مشاركة شاعر الصعاليك يا هلا والله اخوي البيطار ، ووجهة نظرك على العين والراس يالامير ، وانت من الاشخاص اللي احبهم واقدرهم وانا معك في ملاحظتك الثانية ههههههههههههه وخلني اعطيك اللي عندي وانت احكم يالامير وانا تعديت الاوادم بلا خرج ، والخرج معروف هو زوادت المسافر ويكون فيها شربه واكله علشان يقطع به الطريق ، وانا اقول اني تعديتهم بدون اي مساعدات وقطعت الطريق . والبيت الثاني معك حق اني ما كملته بشطر الرمح والا كان يكون اجمل ، بس انا ربطته مع بداية القصيدة ، ماني غشيم ولا مفهي ولا درج وانا قلت خاتم ذهب وهو معدنه واصله من الذهب والفص ما زاده جمال ، واحيانا فقدان الفص يفقد الخاتم جماله ، وهو الانسان اللي اصله ومعدنه طيب يكمله انه يكون طيب . واتمنى انك ما تحرمني من ملاحظتك ، والله انها تطربني ، وتصححني للطريق السليم .

الله يبارك فيك , ويسلم غاليك , ياشاعر الصعاليك هههههه صار موال
والله يرفع قدرك ,,,, بالنسبه للخرج ادري انه يحط فيه الطعام والشراب وكل شي هههههه لاكن انت ماقلت قبل هذا البيت انك على مهره او حصان او ذلول قلت انك تعديت الأوادم بلاخرج والخرج يحط على المذكورين اعلاه هههههه ولا يمكن انك تنقل الخرج معك بيدينك طول السفر هههههههههههه
والنعم والله فيك يا شاعر الصعاليك وادري انك تقصد المعدن الطيب والأصل لاكن لو قلت مثلاً :(اصلي ذهب ماضاع بالوقت فصه) , كان افضل ولاكن صغرت نفسك بحجم الخاتم لأنك حددت , ولاكن مافيه شك انك تأزن جبال من ذهب ولاهنت واسمح لي بهذه المداخله

[شاعر الصعاليك]

اقتباس من مشاركة بيطار الشعر الله يبارك فيك , ويسلم غاليك , ياشاعر الصعاليك هههههه صار موال والله يرفع قدرك ,,,, بالنسبه للخرج ادري انه يحط فيه الطعام والشراب وكل شي هههههه لاكن انت ماقلت قبل هذا البيت انك على مهره او حصان او ذلول قلت انك تعديت الأوادم بلاخرج والخرج يحط على المذكورين اعلاه هههههه ولا يمكن انك تنقل الخرج معك بيدينك طول السفر هههههههههههه والنعم والله فيك يا شاعر الصعاليك وادري انك تقصد المعدن الطيب والأصل لاكن لو قلت مثلاً :(اصلي ذهب ماضاع بالوقت فصه) , كان افضل ولاكن صغرت نفسك بحجم الخاتم لأنك حددت , ولاكن مافيه شك انك تأزن جبال من ذهب ولاهنت واسمح لي بهذه المداخله

موال منه فايده يا دكتورنا هههههههههههه

كلامك 100 % يالامير
وانت صادق ، والله لا يحرمنا من نقدك
والجايات نحرص علشان ما تلقى شي هههههههههههه

[بيطار الشعر]

اقتباس من مشاركة شاعر الصعاليك موال منه فايده يا دكتورنا هههههههههههه كلامك 100 % يالامير وانت صادق ، والله لا يحرمنا من نقدك والجايات نحرص علشان ما تلقى شي هههههههههههه

البيطار مسوي ناقد على هالصبح ههههههههههههههههههه

لاهنت يالصعلوك على تقبل وجهة نظري وهاذي وجهة نظر محتمل الخطاء والصواب ولاكن نحنو هنا لنفيد ونستفيد ولو هو شخص غيرك ما انتقدت قصيدته ولاكن ادري انك واثق من نفسك وشاعر , وعزيز وغالي

[شاعر الصعاليك]

انت ناقد صريح هههههههههههههه

ومجلس اخو جزعه ، مجلس ادبي
للنقاشات والانتقادات الله يجعله عامر بأهله
وكل يوم بنجيب قصيدة وننقدها ، نستفيد وغيرنا يستفيد

[سعد بن عادي]

لاني غشيم ولا مفهي ولا درج
ياللي تجيب الحكي منعاج نصه
أعلمك لكن ما تفهم الهرج
أمغلف ٍ قلبك وبذنيك جصه
وان ضاقت الحيله وصار الوضع مرج
اعرف ترى سيفي لسانك يقصه
لو البقر ينفع ليا لّبس السرج
كان البقر هالحين وسط المنصه
ما هي حصن تفتك فالموقف الحرج
ولا هي ذيابه كل درب ٍ تقصه
واللي سكن بالقاع ما يعرف البرج
بينه وبينه البرج خمسين حصه
وأنا تعديت الاوادم بلا خرج
وتركت لي في كل ميقاف قصه
أثبت ورمحي فالمواقيف له زرج
خاتم ذهب ما ضاع فالوقت فصه



عز الله ان هالقصيده تقعد الراس وتروي الذائقه
لقد أرويتنا شعرا يا صاحبي

[ابوصالح لرشيدي]

صباح الخير عليكم جميعاً ..
ياهلا ويامرحبا فيك يابن عادي منور طال عمرك..

[صعصعة]

صبااح النوور يا ابو صالح
عز الله اني محول لشلة الهرج لتحقيق