[عادل الشويلعي!!]

[quote=شاعر الصعاليك;2799094]ابو نواف عطني رايك بخربششات الصعلووك
هههههههههههههه

لاني غشيم ولا مفهي ولا درج = ياللي تجيب الحكي منعاج نصه
أعلمك لكن ما تفهم الهرج = أمغلف ٍ قلبك وبذنيك جصه
وان ضاقت الحيله وصار الوضع مرج = اعرف ترى سيفي لسانك يقصه
لو البقر ينفع ليا لّبس السرج = كان البقر هالحين وسط المنصه
ما هي حصن تفتك فالموقف الحرج = ولا هي ذيابه كل درب ٍ تقصه
واللي سكن بالقاع ما يعرف البرج = بينه وبينه البرج خمسين حصه
وأنا تعديت الاوادم بلا خرج = وتركت لي في كل ميقاف قصه
أثبت ورمحي فالمواقيف له زرج = خاتم ذهب ما ضاع فالوقت فصه

صح السانك ياصعلوك وعلي من حزامي انك شاعر ماعليك كلام ..
وان هذا مو خرابيش ان هذا ندح البيوت الي يقولون ..
صح السانك ..

[بروفسور الشعر]

منور بن شويلع وحياك ربي ومن طول الغيبات جاب الغنايم

[شاعر الصعاليك]

سلام عليكم يالربع ، وصباح الخير للجميع

وصحت ابدانك يالشويلعي ، وهذا من ذوقك يالامير

[عبث..!!]

.
.
.
الشعر وين وسالفة صاحبي وين ليته يدور شاعراا يستشيره
صباحكم ابتسامه _^

[شاعر الصعاليك]

علمت " صحيفة عين حائل الإخبارية "
أنه سقط ليلة الخميس جسمين طائرين على الأرض
حسب ما ذكره المصدر الأول بالحرة جنوب حائل
بالقرب من قرية البرث وحزم خضراء والآخر
شمال حائل بالقرب من قرية القاعد على حسب
ما وصل من بلاغات.

---

علمونا وش السالفه ؟؟

[رمح المطنا]

شاعر الصعاليك تعال العب معي

[بيطار الشعر]

اقتباس من مشاركة شاعر الصعاليك ابو نواف عطني رايك بخربششات الصعلووك هههههههههههههه لاني غشيم ولا مفهي ولا درج = ياللي تجيب الحكي منعاج نصه أعلمك لكن ما تفهم الهرج = أمغلف ٍ قلبك وبذنيك جصه وان ضاقت الحيله وصار الوضع مرج = اعرف ترى سيفي لسانك يقصه لو البقر ينفع ليا لّبس السرج = كان البقر هالحين وسط المنصه ما هي حصن تفتك فالموقف الحرج = ولا هي ذيابه كل درب ٍ تقصه واللي سكن بالقاع ما يعرف البرج = بينه وبينه البرج خمسين حصه وأنا تعديت الاوادم بلا خرج = وتركت لي في كل ميقاف قصه أثبت ورمحي فالمواقيف له زرج = خاتم ذهب ما ضاع فالوقت فصه[/poem]

صح اللسانك ياشاعر الصعاليك وعزالله انها قصيده وافيه من شاعر وافي ومبدع وتطربني دايماً ابياتك ومن معزتك ودي اعلق على البيتين الأخيره للفايده

وأنا تعديت الاوادم بلا خرج = وتركت لي في كل ميقاف قصه

(بلا خرج) احس انها ليست في مكانها الصحيح ولو استبدلتها بكلمه ثانيه كان افضل

أثبت ورمحي فالمواقيف له زرج = خاتم ذهب ما ضاع فالوقت فصه

هنا حطيت نفسك خاتم ذهب وخاتم الذهب كل واحد يلبسه هههههههههههه ولو كملت عجز البيت بشطر يتناسب مع الرمح كان افضل ,,, ولاكن لايعيب القصيده وانا لو ماهي معجبتني القصيده ما علقت عليها وربما اني غلطان ولاكن وجهت نظر فقط من اخوك بيطار الشعر ,, وتقبل تحياتي

[بيطار الشعر]

اقتباس من مشاركة شاعر الصعاليك علمت " صحيفة عين حائل الإخبارية " أنه سقط ليلة الخميس جسمين طائرين على الأرض حسب ما ذكره المصدر الأول بالحرة جنوب حائل بالقرب من قرية البرث وحزم خضراء والآخر شمال حائل بالقرب من قرية القاعد على حسب ما وصل من بلاغات. --- علمونا وش السالفه ؟؟

والله مادري عنها والطيور واجد الله يستر منها هههههههههه
والعام طرحو طير فيه كاميرات ويمكن الطيور هاذي مثله