[بيطار الشعر]

اقتباس من مشاركة عنتر زمانه وافي يالبيطار ومخلد الجزاله والمفرده والموضوعيه نلتمسها من خلال ابداعكم بالطرق

الوفاء تواجدك يا عنتر والله انها شرف لي متابعتك واشادتك

والله لايهينك وبيض الله وجهك

[بعيد الهقاوي]

اقتباس من مشاركة خالد القصاني المعرفه تطغى على الشعر يعني اذا أعرفك اللعب معك ماعرفك لا هذا ماظهر لي من خلال عدة اشخاص وهذا شي غير مقبول لدي نهائي وتصبحون على خير

خالد اذا تقصدني علي الحرام انها ماعمرها طرت ببالي وافتح طاروق الحين وابشر اني العب معك واذا تقصد غيري حدد الاسم وابشر انه نطلبه بالحق واهم شي ماتزعل ياولد العم

[بيطار الشعر]

اقتباس من مشاركة خالد القصاني المعرفه تطغى على الشعر يعني اذا أعرفك اللعب معك ماعرفك لا هذا ماظهر لي من خلال عدة اشخاص وهذا شي غير مقبول لدي نهائي وتصبحون على خير

ياخالد لاتزعل والله ثم والله اني ماعرف الرجال ولايعرفني

ولاكن يمكن يكون العكس ان الشعر يطغي على المعرفة

وانا اعتذرت ولاكن يوم شفت الرد موجه يمي ما ني ساكت

ولاهنت وتصبح على خير

[مخلدبن عطالله]

انت ياراع البريد السموحه مادريت=احسب انك واحدن كل حاجه شلها

العرب متشابهه باليمن والا الكويت=خابرك لو العرب قصرت تمهلها

[عنتر زمانه]

اقتباس من مشاركة رادوي العبسي اهداء للعنتر

أمممممممممممممحق هديه

وش ذا يا رجل ذا جني مو آدمي مخرز من جميع الجهات هههههههه

يا خالد خل عندك روح رياضيه وخيرها بغيرها

وصدقني انك فاهم غلط ولا فيه أحد عن أحد ولكن ربما لشاعر مرئيات تجرفه في أختيار الند ولك تقديري أنت وروداي

[سمري]

ابوموسي تعال عند صوط وبن متروك

[مخلدبن عطالله]

وينك يالبيطار

[بيطار الشعر]

اقتباس من مشاركة مخلدبن عطالله انت ياراع البريد السموحه مادريت=احسب انك واحدن كل حاجه شلها

اقتباس من مشاركة مخلدبن عطالله العرب متشابهه باليمن والا الكويت=خابرك لو العرب قصرت تمهلها

والله اني اعرف الحق ياراع الونيت=والذياب الي براس الجبل دربلها
لا حشى وش جاب زيدي لهل عزوه وصيت=العرب ياصاحبي ماتشابه كلها