[أسايرها تعاندني]

الحياة هموم في عين الفقيـر=والحياة أفراح في عين الغني
و إلا أنا لاني فقير و لا أميـر=شخص عنده حلم عيّا ينبنـي
طالبك حقق لي الحلم الكبيـر =حطّني في وسط قلبك و إنسنـي

[أثير الشوق]

الحقيقة نزف وآمالك خيال والخيال محال لكنه حقيقة
عنوان رائع ..ومحتوى يبهر .........شكرا لك تحياتي لقلمك

[أسايرها تعاندني]

القلب بستان طيبه والعواذل جراد=تغانموا كل حاجه غير رؤس النخيل
ما أقسى من ان يطولك ظلم بعض العباد=إلا من يظلمك وله في عيونك مقيل
وأمر من عيشة الغربه وجور البعاد=مرار عيشتك فوجيه الليالي دخيل

[أسايرها تعاندني]

دخيلك لا تلتفت رح بفالك واتـرك المرجـوج=تغانم مـا بقالـك وإلاّ انـا ماعـاد يمدينـي
فمان الله سق ركابك على درب السنين العوج=ولكن طالبك لين اقفيـت عنـي لا تخلينـي

[أسايرها تعاندني]

البارحه قلبي وعقلي فالخبر=سارح مع اللي خاطري منساق له
في غيبته مال العيون الا السهر=يالله عسا طول البطا ما لاق له
ضميان انا فالبعد ووصاله مطر=ماراق لي جرح الهوى لوراق له
تعبت من طول المفارق والهجر=والعشق سلال العقول العاقله
استوطن الخافق وقلبي له مقر=وماهي غريبه لو سكن خفاق له
الغالي اللي حدني عنه القدر=مشتاق له مشتاق له مشتاق له

[أسايرها تعاندني]

عيني اللي من وصال احبابها محرومه=مالقت عقب الحبايب واحدٍ يرحمها
حزنها بادي وفيها دمعةٍ مكتومه=دمعة لازاد همي ليني مولمها
ضاق بالي والسعاده داخلي معدومه=والتعاسه بينه في ناظري مقدمها
منطوي والهم يأخذ فوق راسي حومه =كأنها غيمه وبراق الوجع قاسمها
وحدي ومن كان وحده بيغدي بهمومه=يبني صروح الهواجس جوفه ويهدمها
فاقدٍ بنت الكرام الغضه المحشومه =وخايف لا الشوق يأخذني واصيح ازهمها

[أسايرها تعاندني]

اقتباس من مشاركة أثير الشوق الحقيقة نزف وآمالك خيال والخيال محال لكنه حقيقة عنوان رائع ..ومحتوى يبهر .........شكرا لك تحياتي لقلمك

مرحبااااااا بك يا أثير الشوق
نورتي وشرفتي واللي يبهر اكثر مرورك الطيب
شكراً لكِ

[أسايرها تعاندني]

أبعد النظر حاجه وقو النظر حاجه=الأول لخافقي والثاني لعيني
ومن كثر ما اقراء القلوب من أول مواجه=غنيت مافي البشر قلبٍ على ديني
الناس مابين متحجة ومحتاجه =وانا على نيتي والهم ناويني
لقلت روح يعود همي أدراجه=يضمى ويلقى عدود في شرايين
وان هود الليل واشعل همي إسراجه =أيمم الروح قبله وارفع أيديني
واقول يارب انا المحتاج والحاجه =انك تجمل حياتي باقي سنيني