[المعزب]

اقتباس من مشاركة السبع الضاري اثر الاوضاع من هاك الليالي خطيره=كنت ابا اقولها وابطت تردد ابالي مابقى للمعزب كبر حبة شعيره= مشترا الزين غالي والثمن فيه غالي

لاتهمش صغار القوم تزعل كبيره=انت يبن الصحيح اليوم مالك مجالي
كل واحدعلى ماقيل فكره شويره=لاتجي في طريق الناس يبن الحلالي

[السبع الضاري]

اقتباس من مشاركة المعزب لاتهمش صغار القوم تزعل كبيره=انت يبن الصحيح اليوم مالك مجالي كل واحدعلى ماقيل فكره شويره=لاتجي في طريق الناس يبن الحلالي

ويش رايك نعوّد صوب بطحاء سميره=من رجع ماشرد والمقبلات التوالي

دام قامت تحوّس مثل حوس المريره=والله اني ماعاد انشد عن اللي غدالي

[المعزب]

اقتباس من مشاركة السبع الضاري ويش رايك نعوّد صوب بطحاء سميره=من رجع ماشرد والمقبلات التوالي دام قامت تحوّس مثل حوس المريره=والله اني ماعاد انشد وش اللي غدالي

لاتغرك علوم القوم يابن العشيره=خابراً نظرتك يم الجبال الطوالي
وكان مبحلك خشن ثيابها من حريره=ماغدالك وانا ياصاحبي ماغدالي

[العميل السري]

الكبار كبار -- بيض الله وجيهكم

ابداع بلا حدود جمل الله حالكم

[السبع الضاري]

اقتباس من مشاركة المعزب لاتغرك علوم القوم يابن العشيره=خابراً نظرتك يم الجبال الطوالي وكان مبحلك خشن ثيابها من حريره=ماغدالك وانا ياصاحبي ماغدالي

طال صبري وانا بالحلقه المستديره=آخر الوقت اشك اني من العقل خالي

والله اني بحيرة وانت مثلي بحيره=واكثر اصحابنا مابين حلم وخيالي

[بدرناصرالخياري]

امسى على الجميع بالخير

[بدرناصرالخياري]

وكان مبحلك خشن ثيابها من حريره

ماغدالك وانا ياصاحبـي ماغدالـي

صح السانك

[السبع الضاري]

الشاعر العذب المبدع
المعزب
انه لشرفٌ لي ان ألعب معك هذا الطارووووووووق
بيض الله وجهك
ألعب معك مايمل منه
لكن الوقت متأخر
استودعك الذي لاتضيع ودائعه
والشكر والتقدير للجميع
وشكر خاص للشاعر العميل السري
تصبحون على خير
إلى اللقاء