[بيطار الشعر]

اقتباس من مشاركة السيف القاطع انت معك مفتاح يا البيطار وتسد اللزوم=سكر علئ النفس المريضه قبل تبذل جهدها= ياقوم ياشين الكلام اللي يحرف كل يوم=وام العيون السود نكحلها ونلطم خدها=

اللي يبى لأثارة الفتنه على روس الرجوم=يبى يضيع ابجزر هاذيك البحور ومدها
بعض البشر من كبر شرهاته يبى ايوجه لقوم=وهو الجبال اللي تضلل منسدح في سدها هههههههههههه

[الكايد99]

صح السنتكم والله يسعد مساكم شعار وحضور

بيطارنا حضور غير كالعاده

لكن وقف عضوية الرجال يوم جت منه تكفى احرمه شهرين

[بيطار الشعر]

اقتباس من مشاركة الهيبي السلام عليكم ورحمة الله وبركاته يالها من محاوره تستحق المتابعه بين شاعرين من عمالقة الشعراء

وعليكم السلام ورحمة الله وبركاته

والله يحييك يالهيبي اقلط اقلط ويامرحبا

وماعليك زود طال عمرك

[بيطار الشعر]

اقتباس من مشاركة الكايد99 صح السنتكم والله يسعد مساكم شعار وحضور بيطارنا حضور غير كالعاده لكن وقف عضوية الرجال يوم جت منه تكفى احرمه شهرين

صح بدنك والله يسعدك يالكايد99 ومنور بحضورك طال عمرك

لاكن بالنسبه لتوقيف عضوية السيف عند الأداره هههههههه ماهي عندي

لاكن انا معارض على ايقافه لو طلب ايقاف

لأنا مانستغني عن بعض شطحاته ههههههههههه

[السيف القاطع]

حاول تغير صورت اصحاب العقول اللي تلوم=للي بوصط المعركه دايم تثورفردها=

بعض البشريحلم ويجهل في تفاسير الحلوم=يرقئ علئ روس الجبال ويحسبنها هدها=

[السيف القاطع]

بيطار الشعر بيض الله وجهك وصح السانك وتصبح علئ خير انت وجميع من حضر

[بيطار الشعر]

اقتباس من مشاركة السيف القاطع حاول تغير صورت اصحاب العقول اللي تلوم=للي بوصط المعركه دايم تثورفردها= بعض البشريحلم ويجهل في تفاسير الحلوم=يرقئ علئ روس الجبال ويحسبنها هدها=

مايغير اعقول البشر غير الله الرب الرحوم=مهما نحاول ياولد لا بدها لابدها
منهو يصادمنا يبى يرجع مع الدرب مهزوم=ونفسه لو اطول الليالي ما تحقق ودها

صح اللسانك يالسيف القاطع وتشرفت باللعب معك ولاهنت
شاعر عملاق ولا يمل اللعب معك
كما اشكر الجميع على التشجيع والحضور وتصبحون على خير جميعاً

[بيطار الشعر]

اقتباس من مشاركة السيف القاطع بيطار الشعر بيض الله وجهك وصح السانك وتصبح علئ خير انت وجميع من حضر

وانت بيض الله وجهك وصح بدنك وللسانك ولاهنت