[عواض بن بهلان]

مشكوراخوي كاتب على فكرة المسابقه ..
والشكر موصول للأداره والداعمين ...
اتمنى كل التوفيق لشعراءنا المشاركين وللجنة المسابقه

انشاءالله اني من اول المشاركين

[كاتب الرشيدي]

اقتباس من مشاركة ابو حاتم مشكور أخي كاتب على هذه المسابقه الرائعه ولكن عندي سوال هل يقدر العضو يشارك بقصيد شاعر ثاني من أبناء القبيله ويذكر اسم الشاعر والجائزه لصاحب القصيده والله يوفق الجميع

هلابك ابو حاتم


تشرفنا بتفاعلك

س : هل يقدر العضو يشارك بقصيد شاعر ثاني من أبناء القبيله ويذكر اسم الشاعر والجائزه لصاحب القصيده

ج : لا يسمح إلا لقصائد الشعراء بالشبكة نفسهم



تحياتي

[كاتب الرشيدي]

اقتباس من مشاركة عواض بن بهلان مشكوراخوي كاتب على فكرة المسابقه .. والشكر موصول للأداره والداعمين ... اتمنى كل التوفيق لشعراءنا المشاركين وللجنة المسابقه انشاءالله اني من اول المشاركين

يسعدنا ويشرفنا مشاركتك وياهلا

بانتظار مشاركتك


تحياتي

[مفلح جامع النميش]

مسابقه رائعه اشكر صاحب الفكره على هذا اطرح الرائع والجنه المشكله لهذه المسابقه كفو وموثوق بها حتى لولم يحالف قصيدتي الفوزومشاركتي قصيده موجهه لخالي عندما طلب مني المرافقه له برحلة الصيد خارج المملكه وعتذرت له بهذه القصيدةوا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ

وا لله مالي رغبة (ن) بالسفر معـك

ياخـال لاتلـزم علـي المـراحـي

ماهو ردابك طيبات (ن) منابعـك

بالمرجلـه كذقلـدوك الوشـاحـي

وافي وطيع المثل شرواك وسمعـك

بالطيب وافي مبعديـن المشاحـي

زيـزوم قـوم ولاتغيـر طبايعـك

على سلوم اهل الضفر والسلاحـي

زحزيح قوم العبس الاحرار مرجعك

اهل الخيول المسرجـه والرماحـي

استاذنك ومـع السلامـه اودعـك

لاعـل دربـك يابوخالـد سماحـي

قدمت لك عذري عسى العذر يقنعك

( الضرف( كايد) من حميع النواحي )

سافر وترجع والكريم الولي معـك

يحفظك ربي بالمسـاء والصباحـي

لاتنحرج مني عن الـدرب ممنعـك

عن ديرة (ن) فيها القطاء له مداحي

سافر وانا على السفر من يشجعـك

بس اتصل لاجيت هاك الضواحـي

[عقيد المدرهمات]

عساك على القوة أخوي كاتب ؛؛؛ مسابقة نجاحه من الآن بإذن الله ؛؛؛ لأنها رائعة وكبيره

عسى الله يوفق جميع الشعراء

ونعم وكل النعم في أعضاء لجنة التقييم

[كاتب الرشيدي]

مفلح جامع النميش


وسعيد بمشاركتك وفقك الله



تحياتي

[عواض بن بهلان]

بسم الله الرحمن الرحيم

يشرفني ويسعدني
ان اكون من اول المشاركين

البارحـه ياصاحبـي ساعاتهـا تحبـي حـبـي=الثانيـه نفـس الدقيقـه والدقيقـه ساعتـيـن
طول على الليـل والافكـار مـدري وش تبـي=كنـك تقـول مخيـره ومسيـره فـي حاجتيـن
مابين هيض وغيض اردي ياهجوسي وشربـي=من هيض ولا غيض والمعنى من الشاعر يبيـن
يبين في فكـر الذكـي ولا الغبـي يبقـا غبـي=ينجح ذكي يسقط غبي والمدرسه عبر السنيـن
ومن ماعرف درس السنين وماعرف وش تطلبي=يسقط لان الـدرس فيـه الساقطيـن الناجحيـن
والشاعر المبدع يحفظ الـدرس غيـب ويكتبـي=ان اكترب يكتب جزل ون ارتخى يكتـب سميـن
من راسه لطهر الورق يكتب على اللي هو يبـي=يصبها فكـره ذهـب لان الفكـر اصلـه ثميـن
مبـدع ولا عنـده مشاكـل شرقـي او غربـي=مبدع وشعره رشحه مبدع مـع اللـي مبدعيـن
ولا الهزيل اصله هزيـل وبالمـدارس يرسبـي=ان ابتدا بيته عـوج ون انتهـاه البيـت شيـن
افكـاره انـه فاهمـن ومحققـن مـا يرغبـي=ضايع حسب نفسه مـع اللـي باشعرمتسنعيـن
الشعر في وصفه اذا قلـت يهبـي قلـت يهبـي=قلت يهبي قلت يهبـي اربـع ولاهـي مرتيـن
الشعر فيه اسهوم قـوم وحـد سيفـن احدبـي=وصهيل خيل وموت ورماحن يسار ومن يميـن
وحيان كن الشعر ورد وعطـر ريحـه يجذبـي=مابين مسك وبين عـود وبيـن فـل ويسميـن
والكير وسط النار ولا المسك في بـطن الضبـي=الكير لهل الكيـر ولا المسـك طيـب الطيبيـن
العلـم بيـن والمعانـي ليلهـا تسبـي سـبـي=البارحـه ليـل وهجـاد وبـرد ياربـي تعيـن
احسهـا ياصاحبـي ساعاتهـا تحبـي حـبـي=الثانيـه نفـس الدقيقـه والدقيقـه ساعتـيـن

اخوكم
عواض بن عوض بن بهلان العويمري الرشيدي

[كاتب الرشيدي]

هلا بك عقيد المدرهمات



مرورك عذب

تحياتي