[سعد بن عادي]

أتلى العهد في علومك قبل تقريب يـوم

الله يحفظك يا اقسـى قلـب ويسلمـك

فقدت سلك الصله عنك وجلـب العلـوم

اللـي اذا اشتقـت استدرجتـه وكلمـك

صحيح عندي كرامة نفس واقوى عزوم

بس البلا انساك وارجع فيك واستلهمـك

اصارع القلب وارجع في الصراع مهزوم

ويرفع يدك في خيالي نصـر ويعضمـك

[سعد بن عادي]

جتني تقهويني .. وانا خاطري شين !
والهم راح وكنّ ما فـــ الصـدر شــيّ



تاكل حلا .. واقول وش لـه تحلـّين
بس إبلعي ريقـك / وعقبـــه تقهـويّ

[سعد بن عادي]

أنا ياذاك عـن تفكيـرك آهـل
وعارف وين شبحك با لشواهل

وكم تخطي وكم كنت أتغاضـى

وأرد أنصحك وأمهل لك وأماهل



على الهفوات مانفسي حريصة

وأنا من منهل أهل الطيب ناهل



اسكاتي عنك زاد ابك التمـادي

وغرك يوم انا معـك متساهـل



تغاضيت أحسبك يـاذاك تفهـم

لكنك في ذهول الـذات ذاهـل



أعرف أنه يغيضك طول بالـي

وفي نفسك هواجيسن دواهـل



فلا تقـدر تهـد الـي بنيتـه

ولانت بما تريـده فـي واهـل



شموخي لاتطـول ولا تطولـه

ودونه يزهلـك بالغبـن زاهـل



نعيق البـوم ماهـز الشوامـخ

ولارد الـورود عـن المناهـل



تسوي لك حضورآ في غيابـي

تحسبنك كبرت وصرت عاهـل



ولكنـك صغيـر بكـل معنـى

اراك بمدهـل التغريـر داهـل



تعيش أوهام تحسبهـا حقيقـة

وتفكيرك من الأ وهـام راهـل



تخالف واقعك في واقع اصعـب

بهذرك وشتكت منك الكواهـل



مغيّـب تستغيـب بمـا تقولـه

فقد فمك الصراروصـار باهـك



لاكن صوتك مـداه لسامعينـك

نكور وصوتك انكر منت صاهل



حضورك فيه مايلغي حضـورك

وتصنيفك عن أهل العرف جاهل



أجل ماعاد لـك يـذاك عنـدي

سوى كسر اعتبـارك بتجاهـل

[سعد بن عادي]

التصنع مرض الاغلبيه يعانونَ منه .. السبب افكارهم ..!!



يعتقد الاغبياء ان النجاح مجرد ( علاقـــــه )



،
،

[سعد بن عادي]

.

يافديتك لاتضيق ولاتضجّر
اِرتفع ليمَن سقط للاْرض غيرك

اِبتسم واِتشوف عدوانك تفَجَّر
وما تنام الاّ ومرتاحٍ ضميرك

.
.

[فضي البراك]

الله عليك يابو جوري ..

متابع ..

[سعد بن عادي]

اقتباس من مشاركة فضي البراك الله عليك يابو جوري .. متابع ..

أبو فيصل حضور اعتز به ويُشرفني


حياك ربي ومشكور يامال الغناة

[سعد بن عادي]

من حكمة الله حط خصله بالانسان

اعجابه بشكلـه وحكيـه وحالـه

تلقاه يضحك في فـلان وفلنتـان

ولو دقق بنفسه بلْش في خصاله

نطف ظهور رجال ببطون نسوان

وتبجحـت بالفشخـره والجهالـه