[النمر1012]

أغيب وكل ماحاولت ابا احضر ما قدرت اشوف
وقدرت اشوف وشلون الغياب يحاول حضوره
ورحت اسأل متى اشوف الليالي: لونها مخطوف
عشان ارتاح من صبح ٍ بخيل يشح في نوره

[النمر1012]

جَرَح طاري هدبك البارحه.. والناس مجتمعين..!
سكتّ..! ولا سمعت اللي عذلني غير بعيونه..!!
يلوموني .. وانا احب الملام اللي عشان اثنين :
عيونك .. والصباح اللي أشوف ومايشوفونه
وبكره :
صباح النور.. ياوجه الصباح اللي يجي بالخير..!.
طويت : البارحه* ، والنايمين، وصفحة عتابك .
عذرتك.. قبل ماهدهد غيابك من هدبك ،، يطير
وسبقك من السماح اخضر على"عرش" الغلا جابك..!!
حبيبي ... ياهلا والله بحبيبي وافي التقصير
عدد : ماعدَوا اصحابي وراك .. وغاروا اصحابك .
يسومون "العطا" ب اسم "الخطا" في كفة التبذير
خطاي ..! ولا صوابٍ ما يوصّلني على بابك.!!
أنا فيني تعب ، فيني عتب ، فيني جروح اكْثْير ،
ولا فيني أكمّل مابقى فيني .. من غيابك..
ولا فيني ...

[النمر1012]

حب الشقا تعذيب دقه وجله
لوأخلصوالك في هواك المحبين
إن ماصفالك في غلا الود كله
بعضه حزن والبعض للروح حزنين
إن ودعك خلك بالأوداع قله
مع السلامه من غلاكم سليمين
إلياسلم راسك إمخليك زله
وإليا صفا الغالي على الراس والعين
غالي ونغلي من غلاهم هل له
والخل واحد مانهاوي خليلين
بعض الغلا ياشين طبعه ودله
مثل السراب بقيعة للمراعين
مايروي الظميان حلوه وحله
لوهوحلال حرم شربه حرامين
برق ترى ذوقه للأذواق عله
دورعلى الحالي لوالحال حالين
حال بحال ونوب حال تحله
لوعقدة المعقود تثنى إبعقدين
ربك يحل العسرباليسروالله
الله إيدبرها لك إيسارويمين

[النمر1012]

قلبي شتا وإن جيت ابطلب ربيعه
قال العفو ماينفعك من نفعها
مابحت سري لا ولا قلت اشيعه
حتى /الجروح// اللي بكت من وجعها
ماجيت ابنثر لك همومي ..صنيعه
ولا اعترف باللي عشاني صنعها
كل الهموم اللي تخالط جميعه
ياما سألت وقلت من هو جمعها
لكن جزاء //المعروف// معروف ذيعه
سبعة //كفوف// وطبعة ..اليد.. معها
ادري سنين الهم عنده سريعه
و وصل ..الرحم.. ياويل من هو قطعها
دامي شريت الود مقدر ابيعه
والله لو تكسر يديني طمعها
ماقلت شيٍ غير اسوي واطيعه
وإذا شكيت هموم قلبي جرعها

[النمر1012]

تحت أمرك كلّنا .. عسكر نظام
.......... ما نخالف لا , ولا عنّك نحيدي
ابعد الهقوه عنِ عْيون اللئام
.......... وانتظر لين الرجا فيها يزيدي
قلت أغني والغنى ما هو مرام
.......... وان توقف شيخها تقلب نشيدي
وردة أفكاري وديدنها هيام
.......... روّضت متمرّدي وافكار كيدي

[النمر1012]

عذوبة النيل منها لا بدت تحكي
تقطر على اذان سامعها وموحيها
واشيب عيني انا وشلون بوصلها
واقول اشياء لها مبطي مخبيها
إي بالله إني عشقت وهمت لكني
أخفيت عنها خفوقٍ بات يبكيها

[النمر1012]

الصديق يفوح مسكه..والعدو نفًاخ كير
واللي ما يعرف مقامي ما علي من قيمته
اقدر آميًز عدوي من صديقي فالأخير
فرق بين اللي ضحكلي..واللي يصنع ضحكته

[النمر1012]

لا لا تعاتبني على طول صدي
والله ماصديت عنكم قطاعة
لو هي على كيفي ولو هي بيدي
إن كان مافارقتكم ربع ساعة
أمر بابك وأنجبر بالتعدي
وفي لحظة الفرحة تصير إنفجاعة
بأقبالتي نيران قلبي تهدي
ولأقفيت عن بابك يزيد إندلاعه
لا صار ما جدك قريب ٍ لجدي
ولا لي بحي ٍ تسكنونه جماعة
أخاف ما بالمال وصلك يسدي
إذا دخل بالسر خبل ٍ وأذاعه
ثم صار ذا يأخذ وهذا يودي
وربح الجراد وخسر راع الزراعة
أخير منها ,,,وقفتي ..عند حدي
ا لتاجر أبخص في خراج البضاعة