[تعبت منك]

.

مـدخـل


لا حبك اخترته ولا اخترت فرقاك
الحب صدفه و الفراق اختيـارك


بس اذكر اني اخترت في مره انساك
و لقيت كل الـذاكـره فـي انـتـظـارك

.
.



اللي حلف ما يخليني ,, و خلاني
.......................... ماني بـتباع له لا راح خليته
انا ادري ان ما نساني لو تناساني
.......................... و انا ادري ما نسيته لو تناسيته
الوقت يحداه عن شوفي و يحداني
.......................... ولو في يدي كان ما لحظه تعديته

لكنه يعيش في ... دمي و شرياني
.......................... لو طـول الوقت لا جانـي ولا جيته
اسج مع صورته و كوسر الحاني
.......................... لـعـيـونـه الشعـر ,, سواني و سويته
كم ليلةٍ طـاري الـمـجـمول سرانـي
.......................... و كم ليلةٍ سقت له فكري و سريتـه
لامن ذكرتـه اعيش بـ عالمٍ ثاني
.......................... كن خافقه بيـتي وكن خافقي بيـته
اغيب مع طيفه اللي مـا تعداني
.......................... و منين ما روح طيف الروح خاويته
انا ادري انه رحل لكن يبـغانـي
.......................... و انـا لـو انـه بـكـيـفـي مـا تـعـديـتـه



.
.

مـخـرج


قد قلت لك فرقاك لا شب ضوه
ما راح يسـلم من يدين الحتاشل


صحيح : نعشق بعضنا بكل قوه
لكننا , (( مشروع عشاق / فاشل ))

[تعبت منك]

يا من ذبحت المحاني مـن غـلاك الجمـوح
مرابطـك فـي خفوقـي ليـه .. خليتهـا !!

نسيت مفـلاك فـي ضلـع الغـلا والسفـوح
اللي علـى طـارف اضلاعـي تخطريتهـا

فوحـت دلـة غلاتـك .. والمشاعـر تفـوح
وبـن الهـوى يحيـي الاذهـان ويميتهـا !!

وصبيت لك من بهار الطيب ( فنجـال روح )
ونثـرت صبـة يمينـي .. يـوم مديتهـا !!

اوجعتني وانت ما تدري .. لو انهـا مـزوح
وفهمـت وش مقصـدك منهـا .. وقاسيتهـا

يا ليت جرح الهوى لحظـات عقبـه يـروح
ما كان نفسـي علـى فرقـاك .. حديتهـا !!

عواصف الحزن هدت مـن جفـاك الطمـوح
في كلمة (ن) لا وصلت إلهـا .. تعديتهـا !!

أسكت الحزن فّـي .. وتنطـق العيـن بـوح
حسبـي علـى دمعـة لرضـاك هليتهـا !!

خلاص باح العزا لـو كـان قلبـي سمـوح
يـا أول وآخـر أمانـي قـد .. تمنيتهـا !!

الحب ماهو بغصب !! تبغـي تـروح روح
ذبلت ورود المشاعـر وأنـت مـا اسقيتهـا

قد قلت لك .. والقسى في عين صـدك يلـوح
حدك معك بالجفا .. ومـا كنـك اوحيتهـا !!

مبدا المحبـه غـرام ومنتهاهـا جـروح !!
هي هكذا .. تجربتهـا .. يـوم عانيتهـا !!

ما كنك اللي عرفته !! يـا الغـزال الذبـوح
حيرتنـي باربـع اشيـاء .. مـا تهقويتهـا

( حبك / وداعي غلاك / وغيرتك / والوضوح
ماتت مـن الحـزن ولا ويـن وديتهـا !! )

ان رحت عنك تجي .. وان جيت يمك تروح
يـا تنهـي المسألـه ولا تـرى انهيتهـا !!

كرامتـي مالهـا .. إلا استاذنـك بالنـزوح
فإجمع خطايـا الغـرام .. وشـب كبريتهـا

[تعبت منك]

هموس وشلونك
ياهلا ومرحبا باالقمر

[تعبت منك]

قصيده أم في ولدها


هذي قصيده أم في ولدها تزوج وزوجته رفضت تسكن امه معها

فذهب بإمه لدار العجزه ومرت ثلاث سنين لم يزرها , فكتبت قصيدة وأعطتها لطبيب يعمل بالمستشفى وأستأمنته بأن لايسلم القصيده لابنها إلا بعد وفاتها فلما حضر ولدها ليستلم جثتها سلمه قصيدة أمه ، وفيها :

يامسندي قلبي على الدوم يطريك
ماغبت عن عيني وطيفك سمايا

هذي ثلاث سنين والعين تبكيــك
ماشفت زولك زايرآ يا ضنايا

تذكر حياتي يوم أشيلك وأداريك
والاعبك دايم وتمشي ورايا

ترقد على صوتي وحضني يدفيك
ماغيرك أحدآ ساكنن في حشايا

وليا مرضت أسهر بقربك واداريك
ماذوق طعم النوم صبح ومسايا

ياما عطيتك من حناني وابعطيك
تكــبر وتكــبر بالامل يا مـنايا

لكن خسارة بعتني ليش وشفيك
وأخلصت للزوجة وأنا لي شقايا

أنا أدري أنها قاسية ما تخليك
قالت عجوزك ما أبيها معايا

خليتني وسط المصحة وأنا أرجيك
هذا جزى المعروف وهذا جزايا

ياليتني خــدامةً بين أياديك
عشان أشوفك كل يوم برضايا

مشكور ياوليدي وتشكر مساعيك
وأدعي لكم دايم بدرب الهدايا

حمدان يا حمدان أمك توصيك
أخاف ماتلحق تشوف الوصايا

أوصيت دكتور المصحة بيعطيك
رسالتي وحروفها من بكايا

وإن مت لاتبخل علي بدعاويك
اطلب لي الغفران وهذا رجايا

وامطر تراب القبر بدموع عينيك
ما عاد ينفعك الندم والنعايا

تكفون انشروها حتي اللي عندة والدين عايشين يشبع في شوفهم وبرهم انشروا
اكبر عدد وجزاكم الله خير..تحياتي لكم

[تعبت منك]

يجوز نزعل0 والزعل شي مسموح
نغضب شوي ولاهدينا0نسينا .
. بس الخطا لاكان0في مكمن الروح
يكون طبه صعب ماهو بدينا .
. صدق الوفا لاقل من فيّه يروح
روح الوصل والود يقسى علينا .
. اول مشينا والصفا صادق وضوح
يفج نوره ضئ منْه اهتدينا .
. يلمس عميق إحساس من عالي طموح
يطلق عنانه عز فيه اعتلينا .
. كنه على طيب النبا مسك ونفوح
نسمة عليل وعذبها محتوينا .
. بالله خل الوقت يبري شقا جروح
نصبر0 ولآينقال منكم رجينا .
. دام االموده مالهاشان وربوح
صار البعادضلال فيه احتمينا .
. تدري ويش الي يجعل الوصل مذبوح
نظرة تعالي تقتل الشوق فينا .
. تغيب شمس الود لاصار مدموح
قدر العزيز يهون واحنا سهينا .
. صحيح برق الشوق من عيني يلوح
يفز له صوتٍ غفى يشتقينا .
. يرد وقت كان من ليله يبوح
سطّر حروفٍ من شجنها 0جنينا .
. بس الشموخ بذاتنا عالي سفوح
ماينحني لإنسان مهما قسينا

[تعبت منك]

[تعبت منك]

والمشاعـر تفـوح

[تعبت منك]

خذني بحضانك طلبتك لاتخليني ْ
اخاف من بعدك "اشقى "
اخاف تذبحني" الظنون "
لا اقدر انسى "ولااقدر "احب " ثاني ....
ْ خذني بحضانك طلبتك لاتخليني ْْ
تعرفني" مااقوى "الفراق ......
وان "فمان الله" تذبحني ......
لاقلتها "ومابعدها " رجعه ...
ْ خذني بحضانك طلبتك لاتخليني ْ
خلي: اطيب "جروحي بجرحك ......
ودمعتي "يحضنها" قلبك .....
خذني بحضنك "ولملم " احلامي واحلامك ...
خليها "تحلي "ايامي وايامك ......
ْ خذني بحضانك طلبتك لاتخليني ْ
خذ همي "وانا باخذ" عنك همومك .....
عطني قلبك واعطيك قلبا صار "مجنونك "
خذ شوقي" ولملم " بقايا شوقك "وانثره " فيني ........
ْ" خذني بحضانك وبعدها لاتخليني "
^.^