[سالم الرشيدي]

معقول ربي يكتب ف يـوم لقيـاك
شطر ٍ كتبته..مـن سنه..مانسيتـه
:
:

واليوم..بين احضاني..وصرت وياك
بهديـك شعـر ٍ كاتبه..ماقريـتـه
:
:
وفرّت كل احساسي وجيتك اهوااااك
صحّيت قلبي مـن ليالـي مبيتـه
:
:
كنت انقش حروفي على باب ذكراك
واسولف لقلبي ..((تراني هويته))
:
:
كنت انثر الدنيا على شـان دنيـاك
وابيـع شـي ٍ تونـي مااشتريتـه
:
:
كنت اشعل نجومي لجل ليل مسراك
ليل ٍ عرفني مـن كثـر ماسريتـه
:
:
خذني خفوقي منّي وقام واعطـاك
كلي..وانا من فرحتي بـك عطيتـه
:
:
موّلت للحرمان مـن قبـل لقيـاك
واليوم حزني في حضورك نسيتـه

[سالم الرشيدي]

برد الشتا اللي يستثير .. العواطف
ما حرّك إحساسك حنين و لفا بك

لو أستر ضلوع الهوى بـ المعاطف
واضح على رجفة يديني : غيابك

[سالم الرشيدي]

كثر الجفا .. نار .. وحطبها تغليييـك
خف الحطب .. لا تزيد نار الشماتـه

[سالم الرشيدي]

تدري بغيابك غبــت مآني بـ ذاتي !
أحـس كني جالس ٍ وسط تابـوت


أقعد لحالي / وآتحرى / وآحـاتي
ماكني إلا أسـوي [ بروفة المووت ]

[سالم الرشيدي]

خل المشاعر ترتوي من محبتك
وتعيش باقي عمرها في زواياك,,

النفس من بد المخاليق بدتك
وان راح عمري بالهوى من فداياك,,

هذي خيولي بالهوى ما تعدتك
وهذي مرابط شوقنا في سراياك,,

[سالم الرشيدي]

البآرحه في انتظارك , وآحسب انك عجل
!وأثرك .. تلذذ بـ تعذيبي .. وانا ( مستميت )

ان جيت راعي محل , وإن غبت راعي محل
يعني محلك محلك .. ( غبت ) ولا ( لفيت ) !

[سالم الرشيدي]

جسمي يروح ويجي وآلقلب من يمّه
آلقلب عنده يبيه ,,, ولآ يبي ثـــآني

آقسم بربي وآنآ لي مذهب وذمّــــه
لآعيش آحبه ولو حبه عليّ جـــآني

[سالم الرشيدي]

ياللي تبعت الجفا و اشعلت بي جمري ،
وخليت الآمال .. طفلٍ فوق مرجيحه


تعال : قبل الصباح يطل .. من بدري
آخاف لاطحت .. هـ الطيحه .. هي الطيحه