[مــحمد الرشيدي]

البرق لعيون المولع مناديب
.. .. .. .. والبيد لأقدام الخلاوي ركايب

وأرواحنا لهموم بقعاء معازيب
.. .. .. .. ومعزب الأرواح قبر ونصايب

سبحان من يخفي عن العالم الغيب
.. .. .. .. وخلّ الوعد مع نازع الروح غايب

كلن يسوق الرجل ويروح ويجيب
.. .. .. .. أحدن يجيب بسلم واحدن نهايب

أحدن يجيب الفود والعز والطيب
.. .. .. .. واحدن يذله كل ماكان جايب

ومن لاستر وجهه عن الذل والعيب
.. .. .. .. ماعاد يلقى لذل وجهه طبايب

ومن لاحمى وجهه قبل طلعة الشيب
.. .. .. .. محدن يعوضه وجه لاصار شايب

ولاصار ذكرك فوق روس المراقيب
.. .. .. .. خلك على دربك ترى الدرب صايب

اتصير في عيون النشاما كما الذيب
.. .. .. .. وفعيون عدوانك عطيب الضرايب

موت الفتى بالمرهفات المحاديب
.. .. .. .. أخيـيـر من حين مع الناس خايب

موتن تباكاله عيون الأجانيب
.. .. .. .. ولاعيشتن تدعي عليها القرايب

واللي نـفـوسن ماتروم المواجيب
.. .. .. .. واللي يدينن ماتسد النوايب

عذر الردي ماكل من يجهد مصيب
.. .. .. .. عود الحماطه كاسرتها الهبايب

مايخلف الهقوه اطوال الأشانيب
.. .. .. .. صحيح من قال المراجل وهايب

يربى على الشاهوب عكف المخاليب
.. .. .. .. والا الوطى يرباه بوم الخرايب

من راقب العالم يشوف التعاجيب
.. .. .. .. ومن طاول الدنيا يشوف الغرايب

غير النبي محدن بليا عذاريب
.. .. .. .. وكلن على الثاني سيوله جذايب

ما كامل إلا وجه جزل التواهيب
.. .. .. .. ولا رابح إلا اللي من الذنب تايب

كلن ذنوبه تغرق الكم و الجيب
.. .. .. .. وكلن عليه امن الليالي مصايب

ليه الحسد والغل والشك والريب
.. .. .. .. وليه القطيعة واندلاع الحرايب

يولد الأحقاد شذب العراقيب
.. .. .. .. والحقد سمن فالمعاليق ذايب

شرارتن من ملحقين المشاهيب
.. .. .. .. من ناشته خلت ضلوعه حطايب

يومون بالأمواس مثل القصاصيب
.. .. .. .. ذنبن يوقف منه قطر السحايب

لعل من يفرح بشيل المشاعيب
.. .. .. .. ويصير في فرقى الرفاقه سبايب

تقطع عراويه من الرزق والصيب
.. .. .. .. ويموت ماتنظر عيونه حبايب

وتصفى النفوس ويركدن المشاريب
.. .. .. .. لا به ذنب عقرب ولا به نشايب

هذا بعض ما علمتني التجاريب
.. .. .. .. اللي من الأيام جتني جلايب

لا كامل إلا وجه اللي يعلم الغيب
.. .. .. .. ولارابح إلا اللي عن الذنب تايب.

[خزف]

إذّا بكّتْ يَفَرحْ

جَفاإفْ المَناديِلْ
وَ على إبتَسآمتهآ ...أَملْ عمَر مَكتُوبْ

[آهــذريــبــك]

هــ المره بنزل أبيات بدال صور :)

حليت ضيف ورحت مٓن غير تكليف
واقفـِ♡ـيْت ما تدري عن اللي خذيته

رد الامانه لااهل الدار يا ضيف
قلبن رهيف احساس وإنَت ابتليته

[مرتاحه دومز]

ينبض القلب لذكراكِ
من غير تفسير
وتسافر روحي اليكِ
بلاعنوان مطمئنة ٌ
لن تحجبها المسافات
فتستقر بين جوانحكِ
كـُل العمر توأماً لروحكِ......

[عايد2001]

لاتقحَم « إحساسك » فـ بعَض المَتاهاتْ
وخلّك مآ تعلمَ حَتىَ لوَ كنت تعَلم ~
وَعشان تتفَادى / جَروح , وخـسَارات
سَطّح عـلاقاتِك مَع الناسَ تسَلم

[آهــذريــبــك]

كَأنك مّعزم يَا خفوقيِ تِفارق..
وِ تعلن فَراغ العَاطفة وَسط مِغليك..

ليِ شَرط وَاحد مِن جِيوب المِفارق..
عَطني مِرور الفَرحة اللي بَأياديك

[الصقار]

00فيس متحمس (((احساسي متحمس

[آهــذريــبــك]

_



نفس القلم .. نفس الورق والحصيله
_____ مازلت أترجم غيبتك .. وأكتب أنفاس !

أنتي [ ثقيله ] .. والدقايق ثقيله
_____ والشوق مايرحم ، ولا عنده إحساس !