[ذبحني غروركـ]

احطب من شعورك والقصيـد الحي جيبـه
ودي اسمـع صورتك واقراك صوت من الصبابـه

ديرها مغنـى وخـل الصمـت مخنـوق بنحيبـه
واعتبـر قلبي طبـل وألاّ اعتبـر سمعـي ربابـه

هـات شعـر وبلّل اللحظـه من البحر وغريبـه
لا تكـرر في عيـوني ملّـت العيـن التشـابـه

[النمر1012]

صنـفيني زي ماودك بكيفك صنــّـفـي
قـولـي الـلـي بـْـخاطـرك قــولـيـه يـابـنـت الـحـلال

قولي رجعي / غير متحضر / ولكن أنصفي
بـالـعـدال الله عـلـيــك الـيـا حـكــمــتـي بــالـعــدال

وإذكري كل شي فيني كان واضح أو خفي
قـــارنــي والـيـا خـلـصـتـي طـالـبك خـلي مـجـال

حتى أنا لي حق أوضح يالحبيبه موقفي
والإجـابه أفــضـل إن كـانـت عـلـى قــــد الـــســؤال

والسؤال اللي طرح نفسه وانابه اكتفي
مــنـهـو الـلـي مـاصـدق فــيــنــا ومــنـهــو لايــزال

[هذيان]

أنا ماقلت أحبك وأترجاا من عطف وطيب "
انا قلت أحبك لجل تدري وش اللي تجهله فيني !!

[خصيم الوقت]

خوذي دمع من [ محجري ] . . و أعذريني
كله فدا . . هالدمع لاصار . . [ همّال ]

[النمر1012]

شب السوالف عنك والا انت شبيت
وذوّب جليد الصمت واشعل بردها


توي لقيتك ي أولي توي دريت
ان اخري بيضيع لو ما وجدها


هي ذنبي اللي ما سجد يوم سميت
بسم الغرام ، اثره بسر يعبدها
..........؟؟؟؟؟؟@

[فـدعة بني رشيد]

انت في وسط قلب(ن) عاش بـ الحب يهوآك ..
.. ومن زود حبه .. غشّ .. وأعلن ( بلنتي ) ..........!!

[النمر1012]

مبهمه هذي الحـروف ولـو تذوّبهـا ..تـذوب
لا تركّـز يـا رفيقـي ولا تفـكّـر بالمعـانـي


كلّها دمعه وطاحـت واكسـرت معهـا قلـوب
كلّها شمعـه وذابـت وانطفـى معهـا زمانـي


ولا تدري يا رفيقـي ..خلّنـا نمشـي جنـوب
غيث فكري جاك كلّه وانت خلّـك فـي مكانـي

[النمر1012]

تهاوا النجم من عيني وغاب الصاحـب الغالـي
طبيعي بعد ماغـاب القمـر تتغيـر الصـوره
كسى الليل البهيم اعلى الجبل واسدل على التالي
ونحّّت اسمك على صدر الجبل فجأه بزغ نـوره
وقتلت الياس في نفسي وغنّـت فرحـة امالـي
وعمرت الروح شوق وغرد من الشوق عصفوره
حمل ورده عجيبه تختلف عـن كـل الاشكالـي
وثبتّهـا علـى شبـاك بيتـك وانتـهـى دوره
بعـد مالامسـت يدّيـك تتـوه وفيـك تختالـي
وبعد ماشّمت انفاسك غـدت بالحيـل مغـروره
هذا حال الورد في حضرتك وشلون انـا حالـي
بعد مرت سنيـن وحالتـي صعبـه ومقهـوره
صحيح اني عن العالـم ومافـي داخلـه سالـي
وصحيح اني عشقتك رغم ظلم العالـم وجـوره
دخلتي قلبي اللي قبـل عرفـك يعتبـر خالـي
عن ابواب الغـرام بعيـد والاحـوال مستـوره
عطيتـك عقلـي وقلبـي وعمـري ويتهيالـي
مقصّر والحـواس الخمـس منهيـه ومامـوره
غراماتك لها فـي داخلـي مجـرى ومدهالـي
وجزئياتك لهـا ذرات وسـط الجسـم منثـوره
مااقول اني رسمتك داخلي فـي شكـل تمثالـي
اقول انـك وسـط قلبـي ومنحوتـه ومحفـوره
انا كتلة مشاعر قـد ملكهـا شخـص مازالـي
وحيد ليـا نهايـة عالمـي والنفـس معـذوره
احس ان المـراره فالعسـل والسكـر الحالـي
واحس ان الحلا موجود في شكله وفـي حـوره
حبيبي ليت كل اللي علـى بالـك علـى بالـي
يتوه الكون في عشقي ومنـه النـاس مبهـوره
تحملت القسى واللـي نسـى والشـوق قتالـي
مخليني سجيـن بعالمـك والـروح مخطـوره
وتحملـت البعـاد بغيبتـك وعيـون عـذالـي
وقفت إلها كما الطود العظيم وجـات مكسـوره
اقول ان الرجل يبقى جبل فـي شكـل رجالـي
واقول اني نحت اسمك بقلبٍ مـا انطفـأ نـوره