[عبد العزيز]

لبـــيه لومالي في حياتك نصيب
بقولها وأنت وص سنينك وقلها
إنـــي أحاول معك أقرب من أقرب
وأبعد من أبعد بعيد للبشر كلها

[الكرزالرشيديه]

أشكي عليـك الحــال يـاعــارف الحـال
ولو ما بـيـدك شي يـكـفي لك أشكي

يكفي تــروح بـكلمـتـك ضـيـقـــة البال
ويكفي تحس بضـيقتي دون ما احكي

[عبد العزيز]

أحبك كان يكفي الحب جروحي في هواك شهود
انا اللي راس مالي حلم و هم الدنيا قدامي

[الكرزالرشيديه]

لي صاحب ٍ في طلته يشرق النور
ولاغاب عني .. غيب النور وياه

من يوم شفته والحشا فيه مبهور
حلو الوصايف كل شين يتعداه

[عبد العزيز]

تبسم لعنبو من لامني في ضحكتك ورضاك
تبسم واخذني من عالمي في عالم ثاني

تبسم لي فداك اللي مضى واللي بقى يفداك
ترى لولا غلاك وضحكتك مابعت خلاني

ولاجيت اتدارك مابقى من فرحتي وألقاك
ابيع العمر كله لابتسم ثغرة على شاني

[الكرزالرشيديه]

عـزت على النفس لأقول مشتاق ** خوفي تذوب الروح مع كل غيبه ..


أنا اشهد ان لك داخل الصدر خفاق ** وان لك بقلبي احترام ٍ وهيبه ..


يجذبـني لك ذوقك مع حلو الاخلاق ** وعجزت ألقى فيك شين اعيبه ..

[عبد العزيز]

أقسم بالله بس تغيب أحس الروح أودعها
تطيح الدمعة من عيني وتجري غصب مدامعها
كرهت الارض بغيابك من اولها لسابعها
أنا أحبك وخل كل الناس تسمعها

[الكرزالرشيديه]

يا الغايب الحاضر معي وسط الأفكار
,,,,,,,,,, يا المرتوي مني وأخايل سرابك

انت المطر وانت البرد وانت الأنهار
,,,,,,,,,, وشلون أظما بوقفتي عند بابك

وانت الفضا يالرحب والباقي أسوار
,,,,,,,,,, أضيق فيهم و أتـفيـا سـحــابك