[مرزوق العجوني]

أدور لك كلام أجمل و لا أجمل من كلام القلب =و عمر القلب ما يكذب نهار يكلم أحبابه
أطير لك حمام البال و أفقد كل ليله سرب =يمسيه الورق في حضنه الدافي و يدفى به
شعوري لو نثرته للهبايب كل جرح هب =و عنيت الهوى و أهل الهوى و الحب متشابه

[$سيف العشق$]

انا لا شفت زولك قمت اهلي ×× من الفرحة واصفق باليدين
ترا لك مسرح من الحب عامر ×× به اهل العشق دايم حافلبن
ترى مال الوليف الا وليفه ×× تزين ايامنا والا تشين
ولا يجهلك ظن اني ما احبك ؟ ×× احبكـــ وانت سيد العارفين

[فواز الدواي]

عادت المقناص في برد الليالي ..... ماتدانيه العنود بكل شيه

هدت القرناس ومخاو الرجالي ..... حي من هي عادته حي حيه

[$سيف العشق$]

قصيرنا مايقربـا الذيـب والذيـخ ×× طلابـه يعـود يدينـه قصـيـره
اليا اشتعلنا مثل نـار الصواريـخ ×× واليا بردنـا ثلـج نـازل بديـره
بني رشيد مشلخا القلـب تشليـخ ×× حبي لها اكثر مـن ايـة عشيـره

صح لسانك يا شاعر عبس

[عبد العزيز]

ياخوفي يطول الليل والحلم ينساك

مني لك الإخلاص لوطال فرقاك

مهما يطول البعد ماني بناسيك

تبقى على عهدي دام إني أهواك

وتبقى لك أحلامي رسايل تناديك

[الكرزالرشيديه]

شوقي لك أكبر من حدود احتمالك
يشبه صباح العيد بعيون الأطفـال

[عبد العزيز]

انا ربتني الدنياعلى جزل العطا والجود
ونفسي للوفا والطيب وفعل الخير جزامه
واعارض منهج الهابط و اوافق للصعود صعود
واسير نفسي بعقلي مدام النفس هدامه
صحيح اني صغير السن لاكن قدها وقدود
وانا عندي مع الدنيا مواقف ترفع الهامه
طموحي يملي العالم ولابه للطموح قيود
مدام ان الامل طبعي عرين وصرت ضرغامه

[بنت العبسي]

لاخذتك الريح كيف استرجعـك=مارجعت وطاربك سرب الحمام
ودع ايامـك قبـل تستودعـك=ماعلى غيم العتب برق ومـلام
قبل ماتحكي ترانـي اسمعـك=عقب ماتسكت تسمّـه للكـلام
وجهي اللي مرتوي من مدمعك=مالقى في جفنك الغافـي منـام