[النمر1012]

يا طير وان ضاقت عليك الوسيعه
يبقى الوفا بالروح للحب عنـوان
كنز الوفا يا طيـر محـدٍ يبيعـه
وفيك الوفا ما حسه انسان لنسـان

[سحايب]

خذ قلبي اللي بالمودة صفا لك
دام القصايد كلها ما تكفّيك

واللي تبيه إن كان عندي حلالك
ما هو كثيرٍ لا غدا بين أياديك

يا من جمعت الود كله لحالك
بأقصى خفوقٍ يفتخر بك ويغليك

أهديت قلبي فرحته في وصالك
واليوم أنا ما نيب داري وش اهديك

دام العطا معناه ساكن خيالك
ما أقدر أفسّر في خيالك معانيك

[النمر1012]

قلبي من غصون المحبـه جناكـي قلب ترك هالكون خلفـه وجالـك
يالصافيـة يالنايفـة فـي حلاكـي بنت الجمال وشامخة في خصالـك
ياراسيـة مثـل الجبـال بقواكـي اترك جميع الكون واطلب وصالك

[سحايب]

تبقى وليف القلب لو صار ما صار
........................وتبقى نظير العين ولو مانشوفك
وتبقى سلام الروح ولا منك اضرار
.........................وتبقى عزيز وعزتك من وصوفك
اسمك نقشته بين الاضلاع تذكار
..........................وقلبي نزعته خوفي يزعج حروفك

[النمر1012]

وعينٍ خجلها عن عملها يشـدي
وعينٍ حلاها في حياهـا غنيـة
وعينٍ تواجهـا بجنـد التحـدي
وعينٍ تغيّر من تشـوف الهديـة

[سحايب]

سريت الليل وأشقاني السهر والهم والترحال
وصـار الـدرب صعب ولالقيت إلـي يخاوينــي

[النمر1012]

واجيك باللهفه من الحب وانسـاق
لمعانقك والشوق ما احـلا علـوه
وانتي ولا زلتي عيونـك بالافـاق
والنور قرّب فـي حياتـك دنـوه

[سحايب]

يا اللي كلامك يحيي القلب لا مات
................... كل شي أحبه فيك إلا سكوتك