[مرزوق العجوني]

سميتني نصفك الثاني وياشحك=انا بسميك كلي وانت معناها
تعبت اوديك له يـاقلب ويردك=لا اخذ حلومي ولا خلاني انساهـا
كل الحمام استراح وناح في ظلك=والورد الأحمر سقته الروح من ماها
ليتك بعمري ثلاثة اشخاص ماملّك=واحد معي دوم وواحد روحي يملاها
والثالث بجفن عيني لا فقد حسك=او غمض الجفن جاني فيك يتباها
مو بس احبك انا والله من حبك=احب حتى ثرى الارض اللي توطاها

[عبد العزيز]

أناديلك وعبراتي بدمع الشوق مختنقه ..
واحس انك رحلت بعيد ..
وانت بداخلي باقي ..

[الكرزالرشيديه]

هذي هي الدنيا متاهات وأحزان
كلن يدور راحته ما لقاها
تبي لها صبر مع شوي نسيان
مع ضحكه تخفي دموعك وراها

[مرزوق العجوني]

غربة عمر منها المشاعر عطيبات=ولجل الرجاء جربت كل الطرايق
ورد الامل في زحمة اليأس مامات=يحيه دمعن به رموشي غرايق
بصوتي أجاوب صرخة العمر بآهات=مدام حظي من عناء الوجد عايق

[عبد العزيز]

ماينفع الرجال ياكود ثنتين ./. صبره على نفسه ، وطيبه مع الناس !

[الكرزالرشيديه]

امسح بمنديل الصبر دمعه الياس***واسخر من احداث الزمن بابتسامه

[عبد العزيز]

ما هو بكيفي والظمأ يكسره كاس
بشرب ظماك ويرتوي يابس العود
دام الرجاء لي فيك ما يعرف الياس
ليه انتظر موتي وأنا فيك موجود

[مرزوق العجوني]

أسأل وأنا كلي من أجلك إجابات=كل الصعايب لأجل عينك سهاله
يضيق صدري لو بقارقك لحظات=وأصير بعدك بألف حاله وحاله
لو كنت غايب وأبعدتك المسافات=لك صاحب ماغبت عن خياله