[نوماس5]

اقتباس من مشاركة ذبحني غروركـ [ نصيحه ] إليآ اغليتَ إنسآن ، ............... لآ يدريّ عَن غلآلآته ! ") ,

والله انك صدقه

[نوماس5]

[النمر1012]

هاك الحروف ابداع وسمان وجزال
مثل الدرر منضوم في جيـد عنقـا
اصفا من الياقوت واحلا مـن زلال
واصدق من العبره بلحظـات فرقـا
من خافقٍ تّواق لـك فيـه منـزال
يملا لك أدلالـه مـن البـن حرقـا
اقلط ولـك بالقلـب دلـه وفنجـال
واقدع غلا من ضم عرقـك لعرقـا
مرباعك بصدري بختري ومقيـال
فيها الخزامى والحرفـرف ولِرقـا
وفيها رياض وطلح مع سدر وظلال
ومخايل اشواقي من الحـب زرقـا
اهلن هلابـك عـد ماهـل همـال
واهلن هلابـك كـل مـالاح برقـا
سيد الغواني والشِعِّر فيـك يختـال
جتك الحروف مذهّبَ وفيك شرقـا
ماوالله اسلا عنك في كل الاحـوال
اللـن صـار الدمـع للعيـن يرقـا
أتعبتني بغيابـك وكثـر الاهمـال
وانته لـك الله فـي غيابـك مشقـا
أبكيك لامنـي وفقتـك بالاطـلال
وياكثر ماونيت مـع نـوح ورقـا
لاماك غاية منوتي ياهـوى البـال
كل المشاعـر يـم حروتـك شفقـا
عن غيرك الخفّـاق قِفّـل بالاقفـال
لامابعـد حبيـت غيـرك وببقـى
لدّ ابوصالـك يابعـد كـل الازوال
غيري ابد مـاراح بالكـون تلقـى
وهاك الحروف ابداع وسمان وجزال
مثل الدرر منضوم في جيـد عنقـا
اصفا من الياقوت واحلا مـن زلال
واصدق من العبره بلحظـات فرقـا

[بعيد الشوح]

صباح الخير

ماشاء الله عليك يالنمر سلفني من هالقصيده والإ من مشاركاتك ههههههههه

[النمر1012]

يابعيد الشوح القصيد كله اكثره منقول ياخوي واللي عليه تحت ابيات النمر1012 لي اللي تبي منه خذه ياخوي مشاركاته ابشر اذا اسمحو الاداره خلهم يضيفونها لك

[النمر1012]

ياهيه كان اننك بعيد ٍ عـن العيـن
تبقى قريـب ٍ فـي خفوقـي هنيـا
لو غبت عني ايام وشهور وسنيـن
القااك فـي وجـه القمـر والثريـا
القاك في بيض الورق بين سطريـن
لا جيتك اشيلك ابيض الطرس عيـا
والقاك في وسط الشعر لي عناويـن
واقراك حـرف ٍ زاده القـاف غيـا
يا اصدق من الدمعه على خد مسكين
والطف من النسمات في وسط فيـا
لا صرت ساكن وسط ذيك الشرايين
ابنتظـر قربـك ولـو مـا تهـيـا

[هيون]

لدّ ابوصالـك يابعـد كـل الازوال
غيري ابد مـاراح بالكـون تلقـى

[ذبحني غروركـ]

ياصاحبي وش عاد لو../ قيل .. ماقيل
....................الصمت اثمن من كثير الخطابه
الحظ الأقشر مايبي له../.. تحاليل
......................والهم شيخن مازلج يوم بابه