[فضي البراك]

قلت للقلب - استفزه-:
والله اني لأتركه !

قال : له عندي معزّه
ماأنت - والله - محركه !!
خل عنك الهرج هذا
.. اللي بلا معنى
ورح له واعتذر منه وردّه !
وان حصل لك بوس يدّه !

قلت للقلب - استجيره - :
والـكـرامـه ؟!

قال : يارب السلامه !
قلت لك رح واعتذر له
وإن حصل لك بوس رجله !
والله ان الله خلقني فيك
.. لأجله !

قلت للقلب :
البنات كثار به من كل لون
الجوافة / الكرز / الزيزفون

قال : انا شالله بلاني
... بالعفون ؟!

قلت : انا شالله بلاني بك
حبيبك ما يبيني ..

قال : انا ادري
مير ماهي في يديك ولا يديني !
قلت : انا بقطع وصاله
قال : انا بقطع وصالي !
قلت : يا قلب استحاله
قال : يارجال غالي !
قلت : ادور لك بداله
قال : دور لك بدالي !!

[فضي البراك]

عارض يزول وورد باقي ونوير=تزهر به دروب ويطيبن الأنفاس
ياللي حرمت شفاك لفظ المعاذير=علمت من هو يطلبك جهل الأفلاس
ياقاك من (ياقا) بك أيتام ويجير=ويشفيك من يشفي بك هموم وأتعاس

[فضي البراك]

رافعٍ روس أصدقاه ومعادينه بعد=لا .. ورفعة روس الأعدا تجيك مجلجله
هو .. أعز .. وأكرم .. وأطيب .. وأوفى .. وأشد=هو .. أعف .. وأعدل .. وأقرب .. وأرحم صله
حي فاله والله أنه مليك من ولد=الجواب اللي شفت به صدور الأسئله
ربي أنت الواحد الفرد الصمد=دم على هذا الوطن وحدته وأحفظ هله
وإن ضمرك لك جاهل سوء ياأكرم بلد=يبشر بسيل من العلم يجتث جهله

[فضي البراك]

لله ربي جزيل الحمد والمنه=العادل القاهر المتكبر الرحمن
اللي عطى في كتابه رزقه وأمنه=لبلاد مكه وطيبه أطهر الأوطان
سبحانه أرسل رسول لأنسه وجنه=بالرزق والمغفره واليسر والأحسان
ماكان فضٌ غليظ القلب لو أنه=من حوله أنفض جمع وزعزع الإيمان
يالله صلِ على أحمد ماهمت مزنه=وماهلت دموع طفل وما قرئ قرآن

[فضي البراك]

استريحي يا الظنون الثايره=لا تشيبن الحرايق بالخضر
دام الافلاك بسماها سايره=كل مطلع شمس له علم وخبر
يستقيم الخط والا دايره=الله اعلم وش مع غيب القدر
العفو ماهيب عيني حايره=حيرتي بالفكر ماهي بالنظر
وروحي الي في فلكها طايره=مالها لو حولت عندي مقر
يوم ذادت بالثرى عثايره=حلقت والجو محفوف الخطر
بعض تلات الخوافق جايره=والذي قد جرب التله عذر
التوى قلبي على سرايره=والهوى فضاح مكنون البشر
لو بغيت اجحد تبين فايره=له حريق وله شعاع وله شرر
والغزاله في فلاها ذايره=الله اقوى قد لها فوق الشهر
من يبشرني وله بشايره=السما ونجومه بشارة القمر
قالها الي فتحت بصايره=شاف واستعبر وعبر واعتبر

[فضي البراك]

كرم الأصل وطيب الفصل ..

أجتمعت في رجال ..

أخاف اتشتت ..

لذا علي أختيار الفرقد ..

حفاوتهم تشعرك أن صاحب محل وهم الضيوف ..

شكرا كبيره ..

شكرا بحجم السماء ..

للشيخ بدر بن سويلم بن هديبان .

شكرا ليس لها حد وتتجاوز كل مد للشيخ عبدالكريم بن سويلم بن هديبان ..

[فضي البراك]

شكرا تشكلها أجنحة النوارس وتمتد اليه أينما كان ..

شكرا لرفيق الدرب والرحلة ..

شكرا للشاعر العذب الرائع باجد بن عبدالرحمن ..

[فضي البراك]

شكرا ليس لها مثيل ..

شكرا لأحي الرائع محمد الراشد ..

ولي وقفه لتغطية زيارتي له بمنزله جعله الله منزل عامر ..