[إحسـآس شـآعـر]

. . . آبوطلآل إيه إيه لآنه منآفسه آلميدآني < تخيل تخيل شكل إبو دحيم جنبه كخخخخخخخخخخخخخخخخخخخخخخ ,, تخبر إنت آلفيلسوف ينآفسه عبدآلعزيز على شاعر عبس آلآول ,, لآ آلفيلسوف يبي لقب شبل عبس وعبدآلعزيز كآتم بلفه < يضحك عليه كخخخخخخخخخخخخخخخخخخخخخخ ,, يآلبى آبودحيم بس شعر وشجآعه ورجوله ,, . .

[حــزام]

لاحول ولاقوة الا بالله

استغرب والله من الاخوان مصادرة الرأي ، ياخي هذا رأي الفيلسوف ، ومن حق كل شخص يبدي وجهت نظره في اطار الذوق العام وحنا نحترمها سواء ً تقبلناها او لا .

استغرب والله من اخوي احساس شاعر بالذات هذا الهجوم ب هذا الشكل رغم ان الفيلسوف ماتعدى على احد بكلامه ، والكلام الي قاله صدق !!

الحفل كل الشعراء حضروه من شاعر كبير ومن شاعر صغير ، ولاهو مقياس لنجاح الشاعر دعوته لمثل هذا الحفل ، والي يعرف الشعراء ب يعرف ان كثير من الشعراء الحاضرين ( مستواهم عادي جدا ً ) وما ابغى اسمي احد بعينه .

عبدالعزيز دحيم شاعر جيد وببدايته وعبدالعزيز يتعلم من اخطائه ومستواه يرتفع من محاوره لاخرى ، وهذي ميزه فيه وان شاء الله نشوفه افضل من هذا المستوى بكثير لان هالمستوى ماهو طموح لنا وله قبل اي شي ثاني ، وانا يعلم الله اني اتشرف ب عبدالعزيز كشاعر ورجل يحمي الميقاف وراعي حميا مثل ابوه ، بس هذا مايمنع اني انتقده ، لان الانتقاد طريق النجاح .

دحيم الخياري شاعر كبير بس ماهو شاعر القبيله الاول مثل ماتقول يا احساس شاعر ، القبيله شعرائها واجد ونتشرف فيهم كلهم من بداية عيد العريكه الى عيد بن مربح وسعدان عابس وسلمان اخوي سلمى وعبدالله الاشرم وخالد عايش وثنيان سرور وناصر مرسال ومنصور فرحان وشعراء كثير مالهم عدد ، بس اذا تبي كمقياس على الاداء بالمحاوره ، المركز الاول ماراح يطلع عن اثنين ( عيد بن مربح ) ( سعدان عابس ) . وبالوقت الحالي الشعراء الشباب فيهم الخير والبركه بس ( زايد بن عدله ) هو الشاعر الي يلعب على المعنى وهو الشاعر الي مستواه فوق الممتاز بأغلب المحاورات ماشاء الله عليه . من دون قصور بالباقين .


اتمنى نرفع علومنا ونترك الكلام الي ماله داعي ونحترم وجهات النظر ، لان لكل شخص وجهت نظر وماهو معقوله الواحد يصادر وجهات نظر الاخرين عشان يثبت ان رأيه هو الصح ورأي غيره خطاء !!


وبالتوفيق لشاعرنا المبدع عبدالعزيز دحيم ولباقي شعراء بني رشيد ، الي هم عيال عم واخوان قبل الشعر ويتمنون لكل واحد النجاح لان نجاحه نجاح للقبيله ككل