[احممد الرشيدي]

ماني معاتبك عالتقصير واهمالي
(ابتركك للزمن وتشوف بعيونك)
بكره مع الايام بتشوف يالغـــــالي
منهو يحبك بصدق ومنهو يخونك
ابتصبر لو انه زاد غربـــــــــــالي
لو تتعب ضلوع قلبي جعل يفدونك
ماعنـــــــدي اعز منك يابعد حالي
عشقتك الين صرت اليوم مجنونك
كنت اتخيـــــــلك دايم قاعد قبالي
تضحك تسولف واخق بضحكه سنونك
تذكر زمـــــانن تقهوي قلبك دلالي
زمان فيه الغــــــلا باين من عيونك
واليوم قلبك جفاني وهز فنجالي
عزاهـ وش غيرك ياتابع ضنـــــونك
ادور وصالك وتبعد عن وصالي
مســــــتكثر تقول حتى كلمه شلونك
ودك تزود جروحي فدوتك حالي
اجرح .. ولكن ياقلبي اجرح على هونك
ماتدري الشوق بعدك ضيق احوالي
ماتدري اني اعيش الموت من دونك
ماراح اعاتبك عالتقصير واهمالي
باكر ليا مت ياهي بتبكي عيونك

[احممد الرشيدي]

شفتك ، بعد ماغبت فجاهـ عن العين =صــــدفه جمعنا الله وجيتي بدربي !
جيت اندهــــــك واقول يالغاليه وين = رحتي ؟ عجزت القى للجروح طبي !
ثم شفت خلك . واصبح الجرح جرحين = ازريت اخبي دمع عينٍ فضح بي !
تنــــــــــــــزل دموع العين ثنتين ثنتين = حتـــــى دموع العين تبكي وربي !
دامي خســـــــــــرتك بعترف لك بشيين = انا تعبــــت وعاجز اكثر اخبي !
انــــــــــا ادري انك من عرفتك تخونين = وانك ولا يومن وفيتي لحبي !
لكن قسم باللــــــي خلقنا من الطين = رغم الخيانه حيل حبك لعبي !
ياكبر قدرك داخلـــــــــي كان تدرين = انتي سكنتي في سراجيف قلبي !
ياماتمنـــــــــــــــوني فبَعدك كثيرين = وانا حلفت لغير زولك ما البي !
كنــــــــــــــت اتوقع ليا بيوم بتجين = من شوق قلبك بس تبغين قربي !
لكن بعد ما شفتك اليوم لا تجين = لاصرت انا موجود بالشرق غربي !
صحيح حبك ساكن القلب والعين = بس الخيانه دربها غير دربي !

[احممد الرشيدي]

مدري وش اسوي . ابي تحس فيني = لا البعد اطيقه ولا الجفا منك اطيقه
تخـونني ! وتخون قدام عيني = وفي وسط قلبي تشتعل الف ضيقه
احس والله مكتفاتن يديني = مسجون ادور للتحرر طريقه
حبك اسرني ، راجين تعتقيني = افراح عمري في بحورك غريقه
شوفي دموعي علي خدي تخاويني = من كثرها فيها نطفي حريقه
حرام كل هالغلا اللي بينك وبيني = كله يروح وينهدم في دقيقه
ضحكتك ياهي فرح هالكون تعطيني = ودموعك اللي تجيب لقلبي الضيقه
وخواطري فيك ياهي حيل تشقيني = وقصيدي اللي على لحونك طواريقه
كل هالغلا راح من رحتي تخونيني = ماعاد فيني انا هالجرح مااطيقه

[احممد الرشيدي]

لاواحلالاه منهو له يوديني = الصاحب اللي غيابه ماتمنيته
ابي اعيشه غلا وابيه يغليني = وابي خفوقه يفز ف يوم لا جيته
هذاك حبي ، وحياتي ومهجه سنيني = في وسط شريان قلبي بانين بيته
هذاك حرفي بوصفه حيل يشقيني = والطرق مايكتمل لو فيه سويته
هذاك من غاب والدمعه تخاويني = هذاك سرجوف قلب الروح سميته
في غيبته الحزن عيا لا يخليني =انشهد اني من اقصى القلب حبيته
وانااشهد ان الوسيعه ضايقه فيني = والحزن واضح لو اني بصمتي اخفيته
كل هالبشر دون قربه ماتكفيني = لويجتمع حولي كل الناس ناديته
لا واحلالاه منهو له يوديني = لو يطلب عيوني الثنتين اهديته

[احممد الرشيدي]

طال الهجر والفراق المر عذبني = متى على الله ترد يامطول غيابك
الكون دونك ابد ماهوب واسعني = يامهدي الضيم والونات لحبابك
طمن خفوقي ياقلب الروح طمني = تعبت اطالب زماني فيك ماجابك
لولا سلوم العرب والعيب صدقني = لاتشوفني واقف ابكي لك على بابك
في كل ليله اسامرك وتسامرني = والحين مالي سوى صورك وكتابك
اقرا خواطرك والاشواق تحرقني = وينك وحشني ، رضاك ونظره عتابك
لامن زعلت ورفضت انك تكلمني = واعاندك الين ماارضي جنابك
ضحكتك كانت تخطف الهم مني = عزاهـ وقتك وين راح وغدابك
طال الهجر يامعذبني ومتعبني = متى على الله ترد طولت بغيابك

[احممد الرشيدي]

وش صار فيني بعد ما ازريت ياحب = صار الغلا في وسط جوفي يتجدد
لاقالت احبك احس قامت الحرب = افز كلي ونار شوقي توقد
تقوليلي معقول لي كل هالحب = وشهو السبب؟وان كانت اسباب عدد
واقول حبك حطه الرب بالقلب = في وسط قلبي موقعن لك تحدد
اسلوبك الراقي مع طبعك الذرب = فكن عواقيد الخفوق المعقد
حبك ابد مو تسليه وقت او لعب = ياغايتي من زود حبي اتنهد
لامن طروك اضيع واضيع الدرب = وعليك ياروح الخفوق اتوجد
قربك فرح والبعد دائن بلا طب = بعدك يهد الروخ يالغاليه هد
من بد هالعالم قدرتي على القلب = تفداك كل الخلق ياروح احمد

[احممد الرشيدي]

اسمعي من غير خير وكيف وشحقه وليه ..
ماعاد في صبري صبر والخير ماعدنا بخير !
خلاص قررت الفراق وهالغلا ماعاد ابيه ..
تعبت اعيش بدور ضايع ، منجرح ، باكي ، اسير !
مليت اعيشك مثل حلمٍ ضاع مني واحتريه ..
ضاع العمر كله حزن والقلب من جرحك كسير !
اشوف ضحكات وحكي وامال في كل الوجيه ..

وانا ملامح ضحكتي عيت على شفاتي تنير !
مابين نيران القهر والدمع والجور انتهيه ..
ليل البكي وابدي صباح الجرح والخافق دمير !
كذاب من قال البكي راحه وحكيه ماابيه ..
طعته ودمعي جف وذا جرحي على حاله كبير !
الحب هو ضحكه فرح في قلب كل عاشق تجيه

الحب يجعل خافقك من شده الفرحه يطير !
الحب احلى شي فالدنيا ترى بتحس فيه ..
الحب غير / انشهد ان الحب يالعربان غير !
هذا كلامن قد نطقته ليتني فكرت قبل اني احكيه ..
واصدقه واعيش به ويضيع عمري بالاخير !
من يوم قلتي لي احبك قلت يالبيه ايه ..
قولي احبك واسرقيني من حياتي بلا ضمير !
هذا الغلا وياك انتي ابتحدى وابتديه ..
ابعشقك وابسكنك وعليك منهم حيل اغير !
وبديت في حبك وقلبك مت انا مابين ايديه ..
خيانتك ، قساوتك / زادت على جروحي كثير !
تجامليني ، والمجامل بالغلا شي ماارتضيه ..
ابي غلا صادق في وسط عروق دمانك يسير!
ابي غلا من شدته يحكون كل الناس فيه ..
ابي غلا من كثرته احساس هالدنيا يثير !
وابي وابي ومااضن عندك ماابيه ..
روحي جعل دربك حضر ، روحي وانا دونك بخير !

[احممد الرشيدي]

تعال بشكيك منك يامعنيني = ماعاد فيني على الكتمان والحسرهـ !

ضاع العمر والحزن مستوطن سنيني = ماغير اقول العوض والخير في بكرهـ !
ويمر بكره وبعده والالم فيني = مافيه شين تغير يستحق ذكرهـ !
من يوم بعدت والاحزان تبكيني = جفت عيونن من الدمعات محمرهـ
ضحكات الافراح تهدمني وتنهيني = وتشيد بداخلي قصرن من الجمرهـ !
وجروح الايام تسكني وتبنيني = عزاهـ يافرح قلبن مات من صغرهـ !
عود رجيتك ترى اللي بي مكفيني = ماعاد باقي سواك اخاف لا اخسرهـ !
عود لطبعك رجيتك لا تخليني = ترى حياتي بدونك يالغلا مرهـ !
صحيح قلت وغرور (رشيد) مغريني = روح تراك بغيابك شي ماافتكرهـ !
لكن قسم بالذي سكنك في عيني = اني بغيتك اعيش الموت والسكرهـ !
واني بدونك ولا شي يدفيني = واتشفق لضمتك وتخونيني العبرهـ !
وليا بدت ذكريات الشوق تغزيني = مالي سوا النوم ، اترجاهـ وانتظرهـ !
عل وعسى في المنام اليوم تاتيني = بسمع احبك وذاك العشق بفتكرهـ !
ماعاد في بالي الا جروح تكويني = ولا الفرح اهـ يا نكرهـ وياحقرهـ !
عيا الفرح في بعادك لا يواسيني = ياليت تدري بغرامك وش كبر قدرهـ !
مالي سوا صورتن وايديك بيديني = تصبر القلب ، بس قلبي نفذ صبرهـ !
تعال تكفى رجيتك يامعنيني ! = ماعاد فيني ومات القلب بالحسرهـ!