[رشيد]

يقول الشاعر حسن الشهراني :




ودعتك الله يا وطن عنك باغيب
ودعتك الله فيك ناس عزازي
مرفوع راسي مستهين المصاعيب
اسمي سعودي ويتجلى جوازي
وعندي وطن عداه ربي العذاريب
كله تواريخٍ تزيد اعتزازي
ودعتك الله كرت الاقلاع بالجيب
مضطر أبا سافر واقفل جهازي



.

[رشيد]

الشاعر المُبدع صنيتان المطيري..

يا معذبي ما عاد لك في حاجه
ماني على خبرك سواليف ومزوح
جرح مع الايام يلقى علاجه
وبعض الجروح علاجها نزعة الروح

[رشيد]

ما يدرك الطيب غير مجربٍ من مبعدين الشبوح

الطايلة ما يفوز بها الردي جعل الردي للذهاب

المبعد اللي له النمة غبوقٍ والخيانة صبوح

جعله فدا للرجال اللي يحثون النضا بالعقاب

-
راشد بن جعيثن


.

[رشيد]

الشهامه كواكب والكرامه سما

طرزته النجوم بكل فخرٍ وطيب

سكة المرجلة رمضاً وراها ظما

في نهاية ظماها يكتب الله نصيب

-
حمود البغيلي


.

[رشيد]

إليا تجاوز عمر الإنسان ستين

زرعٍ يبس ما بقي الا حصاده

يا رب عفوك يوم نصب الموازين

وينطق لساني قبل اموت الشهادة



-
فهد بن هجاج الحربي


.

[رشيد]

قلت وين ربوعنا قالت: سلوا

وكشّرت في وجهي رمالٍ عطاش

شالو الدنيا معاهم.. ورحلوا

لا علوم.. ولا سلوم ولا بقاش

مع جديد العصر والعيش الحلو

كلٍ ودنياه في طيش ومعاش

قلت هونك يالثرى.. مهما فعلوا

عنك مايسلون وانت أريح فراش

حضنك الباقي لهم.. مهما علوا

بس انا من دونهم ما لي ولاش

عنك راحو بس في القلب نزلوا

مثلما ينزل على الورد الفَراش

من رحيق الحب شربوا ونهلوا

كل ما في خافقي واصبح نشاش

والمصيبة ليتهم يوم سألوا

نشفوا قلبي ولا كنه جراش

لا رمينا مع هل الماضي دلو

ولا خذينا مع هل الحاضر نطاش

-

سعود بن بندر

.

[رشيد]

ابجمع مابقى مني لحبك والزمان إن طال

يذكرك الحروف اللي بوصفك كيف صاغنك

عساني ماخلا منك إذا منك شرحت البال

غناتي يابعد عمري عساني ماخلا منك


#شعر #خالد_العقيلي

.

[رشيد]

.
#شعر #خلف_المشعان :

من يعرف ان البديهة من شروط الارتجال

يعرف ان الفرق واضح بين قال.. وبين قيل

ومن يعرف ان الاجابة نصفها فهم السؤال

مستحيل انه يقارن .. بالمربع .. مستطيل.!!
.