[ابو محمد العريض]

البرق حبك والحشـا دفتـر الغيـم

من لاح صبيـت الرعـد فالحنايـا

هذا انت ترحل لأيسر الصدر وتقيم

تلبـس نهـاري والليالـي عرايـا

قبل أمس رمشك في قلوب المعازيم

واليوم كحلك في عيـون المرايـا

دامك تقود الريم في مرتـع الريـم

دوك الضلوع اللي وراهـا سرايـا

ترى الغلا يرخص مقامه لياسيـم

ويزيـد لاصكـت عليـه المنايـا

من وين أوجه والزمن بوصله ضيم

والقلب طيرٍ في يـد يـن النوايـا

إن قلت أحبك ضّج عطر الملازيـم

وإن طال صمتي تستجـن الزوايـا

أشرب قراحك عزم وأضماه تصميم

يوم أعذب أنفاسـك تمـد الهدايـا

لاجيت أسافر في مزايـاك وأهيـم

ألقى عيوبك فـي عيونـي مزايـا

من صغر سنك يكبـرن المفاهيـم

ومن كثر حسنك ينـدرن الحلايـا

جيد ك يوزع للغصـون الترانيـم

وعيد ك يجمّـع فرحتـه للصبايـا

[مرزوق العجوني]

مساء الحب .. ياحبي .. مسائك =مساء الشوق .. لك .. في كل ليله
عطى عطر المحبه .. من عطائك =تنفّسْك .. وكأنــك .. تنتمي له
ولو بسمتك .. تعكس من سمائك =حبيبــي تصبــح القمرا هزيــلة

[المجهول]

لك بالغلى قلب( ن) عشق طيب ذكرااااك.........


ولك بالمحبه عاشق(ن) دوم يطريك...............

[مبارك الشويلع]

يظن الناس بي خيراً وإني ... لشر الناس إن لم تعفو عني..!

[سلطان الغرام _]

ابي تقرى حروفي لك وتفهم كلمتي بامعــان= وتردد صـدى آهــات تنطق كل مافينــي
تترجم رحلة الدنيا وتذبح اورده وشريان= ابي لاشفت دمي تحس وتجي يمي تواسيني
الاليت الشجـرينبت فيهــاالدنيـابلااغصان= الاليت الوردمــايموت ولايحتاج !!يديــني
الاليت الغيـوم اللي بسمايــه تختفي ماتبان= تروح بخيـرها للغيرولابي شرها يجيـني
الاليت الطيــوراللــي تهاجــرتاخذ الانسـان =وتبــعدلآخــر الدنيــا وتنساه وتنسينــي
تغرقه بقبة بحــريجرب لوعــة الحرمــان =اهو يصبرعلى بلواه ويرحم لي دمع عينـي
يذوق اللي انا ذقته يشوف الذل والحقران =يشوف اللي يشوف الموت في حي فلسطيني
مدام الـورد يتغيـــرويصبـح بلاالــوان= ابي كـل البشــر تمشي وتجــي عندي تعزينـي

[العريض]

أخاف أغمض عيوني وإن رمشت أفقدك...!!


وأخاف أفتّح وتصبح حلم ولا ألتقيك...!!

[سلطان الغرام _]

وقت العتب راح لا ترجع تعاتبني
مات الامل والبقى في راس وجداني


ماني مثل ما انت خابرني وتحسبني
0000الاول اصبح واحد ثاني


خلاص مات الهوى لاتهدم ولاتبني
تركتني لين جاء النسيان ناداني


العام ادور سبب منك يقربني
واليوم ادور سبب عشان تنساني


بعثرتني في هواك اليوم رتبني
نسيتني الناس شفني صرت وحداني


كان السهر في هواك اللي محببني
والحين حتى السهر يكبر على اجفاني


اجيك يمحيني عتابي ويكتبني
مافيه طاري عتب يمر ماجاني


وارجع وانا اقول : وش للجرح جايبني
ادري بجرحك ولا ادري وش وداني


عن صدق الاحلام جاء الواقع وكذبني
وعن فرح الايام جاء حبك وبكاني


مليت اشيل الامل والدمع يغلبني
واقول بكره يجي للشوق يلقاني


ويروح بكره واجي والوقت قالبني
وارجع على وحدتي واحزاني .. احزاني


بكيتك العمر كله يامعذبني
وش فيك ماتبكي الليله على شاني


كتبت ماهو عشان تقول عاجبني
مليت من جزله وصح الله لساني


انا وطن شعر لو شعري مغربني
كتبت اجمل جروحي لجل تقراني


خلاص لا تتعب وترجع تعاتبني
انا نسيتك دخيل جروحك انساني

[المجهول]

لآ صرت تعرف قيمتكـ عند مغليكـ
وإنكـ على عرش الخفوق متعلي
أبيكـ تعلن للعوآذل تحديّك
وأني حبيبكـ وأنت شوقي وخلي