[سعد بن عادي]

حطّوك في مجلس النمّه عضـو منتـدب
تآكل لحوم العبـاد وتنهـش أعراضهـا

حزمت بطنك مع الشلّه وظهـرك حـدب
وأمسيت في كل ليلـه تنقـل أغراضهـا

اللي قليل الحيـا .. واللـي قليـل الأدب
مرضى .. عسى الله يعافيها من أمراضها

[سعد بن عادي]

في ( منتصف عام ) ولاّ كل ( مازّل عام )

وقت اختبارك .. علّي اسبوع كنه شهـر

احسد دروسك على ( هالحب والاهتمام )

اللي خذت جـل وقتـك واشبعتنـي قهـر

ماابيك تهمـل ولاكـنَّ المقاطـع حـرام

كانك نديم الدروس ارحـم نديـم السهـر

[سعد بن عادي]

آه ياعزّي عن اللـي عـزّة النفـس اتحـداه
وآه يا ذلّي من اظـروف ٍ تـذل إلهـا عزيـز

آه.. آه.. وثــم آه.. وثــم آه.. وثــم آه
من تحسّاف الحكيم .. ومن تعفّـاف العويـز

مـا تجرّعـت الونيـن لعيـن شـد الأنتبـاه
غير من هم ٍ ربط قلبـي تقـول أنـه قفيـز

ما فضح سـود العيـون الاّ سـوادك يالقـذاه
ولا أعترف حمل الجمال بطول عيز وقصر عيز

روسنا ما هيب مدسوسه تحـت كـم العبـاه
بيّنـه ومعصّبـه بشمـاغ صنـع الإنقلـيـز

[سعد بن عادي]

حسبي على كل جرح ٍ من طعون الزمان ,
كنت آحسب انه من يدين الليالي برى .. ,

مريت ذاك المكان / ولا لقيت المكان .. ,
نسيت نفسي وانا اذكر كل طاري ٍ طرى ,

العام كنا هنيّا .. يالله المستعان .. ,
في ساعة ٍ مالنا غير النسايم ذرى .. ,

واليوم ماني بـ شايف غير ماضي / وكان ,
ما كننا قد تجمعنّا .. على هالثرى .. ,

لـ الواقع المرّ كل الشكر والامتنان .. ,
آلله .. ياليت السنين يرجّعنا / وراء !

[سعد بن عادي]

　

　

　

　
　

لو كل غلطـة تجينـا مـا نمشيهـا
يشيب وجه الزمان معقّـد حجاجـه
نداري النـاس ونحـاول نراضيهـا
وغير المشاريه ما أخذنـا ولاحاجـة

　

[سعد بن عادي]

*

كـل غالـى ..فالحيـاه يودعـك
لارحـل يبقالـه .. بقلبـك اثـر

ياطيوفه فـي غيابـه .. تتبعـك
ياخياله ... في مخيلتـك .. يمـر

الاكيد انـه .. يبـي يبقـا معـك
وله مقامه ... لو يغيب ولو حضر

[سعد بن عادي]

تاهت خطاوينا .. ولاعاد ندري
الحق وين .. ووجهة اقدامنا وين !
احد ٍ مغرد خارج السرب بدري
واحد ٍ يفكر .. كيف غرد الى الحين ؟

[سعد بن عادي]

يافضي ان كان مايرضيك يرضينا
رجاحة العقل في الرجال من ثقله
لونسمع الناس ما رحنا ولاجينا
الناس تنقل كلام وتفخر بـ نقله
واللي تشوفه ليا اقفينا .. حكى فينا
لايخدعك فيه لا قلبه ولا عقله
موج البحر لو درى عن قيمة المينا
وقف له إجلال يافضي وصفق له