[سيوف بني عبس]

الروح ولهانه على شوف شرواك
وإن ما حصل قلنا عليها السلامي

القلب واحد والمشاعر ترجاك
ترجي وصالك قبل دفن العظامي

تبقى رفيق الروح والروح تفداك
ويفداك عمري يا رفيع المقامي

ومهما طالت المدة تبقى ذكراك
طيفٍ يحلق في سما ايامي

[سيوف بني عبس]

ما عاد ينتهي غلاك مدام الروح حيه
كيف عاد ينتهي و هو فيني مولود



تدري بنفسك وش كثر غالي عليه
و تدري غلاك في قلبي ماله حدود



يا ليتني اقدر اخفف من غلاك شويه
خاطري لو مرة بس اقابلك ببرود



كم كثر حاولت لكن ما هو بايديه
حاولت اقسى بس قلبي صوبك يعود



ذبحني غلاك شوف وش سوى بية
دخلني المحاكم و طلب مني عهود



سبحان ربي كيف صار للغلا قضية
القلب الها محامي و الحواس شهود



عز الله الروح ماهي كالماضي قوية
قوتي أفقدها و إنت معاي موجود



غلاك باقي على طول العمر فية
و من يخلف بكلامه ينقال له شرود



اوعدك حتى يوم موتي أبقى وفية
و كلٍ بموته لخالق هالكون مردود



إن مات غلاك فاسمح لي بوصية
اوصيك بدفن الي ما عاد له وجود

[سيوف بني عبس]

لاتقول الليــــالي فرقـتنا
لاتقول ظروفنا عيت علينا
الليالي يوم ودك جمعتنا
يـوم ودك كل شي في يدينا

[سيوف بني عبس]

والله مامثلي يحبك ولا انسان
ليتك تحس قيمتك في حياتي


لو نفترق طول اليالي والازمات
أبغى أحبك لين ساعة وفاتي

[سيوف بني عبس]

قبل انام وضحكه مرتسمه في شفاتي
واليوم انام ودمعه يحاكي وسادتي

[سيوف بني عبس]

صحيـح لامنـي ذكرتـه تألـمـت
والليـل يضـوي للغرابيـل نــوه
بس العـزا انـي لاذكرتـه تبسمـت
يلوح لي طيـف الشـرف والمـروه

[سيوف بني عبس]

عهدٍ على قلبي ولـو بـاح سـدّه
يخفيك في نبضه بعيدٍ عن النـاس
حتى ولـو جازيـت حبّـي بضـدّه
أرجي من الله رجعتك عذب الانفاس
في منهج الاسـلام مـا فيـه ردّه
وحبي على الإسلام منهج ومقياس
درب الردى يابن ماجيـت حـدّه
وضح النقا دربي ولادست الادناس

[سيوف بني عبس]

أخاف من × مـوت المشاعـر × ولا أخـاف
من " موت نفسـي " لأنهـا شـي مكتـوب !
أخاف لا نكبـر علـى الحـب .. ويعـاف
ونصيـر شـي ٍ فيـهـ ,, ماهـو بـ مرغـوب ،،
ونرمي حمول الحـب ؛؛ من فـوق الأكتـاف
ونبدّلـهـ // تبديلـهـ // الـثـوب // لـ الـثـوب !