[سعد بن عادي]

صواديف الزمان اللي تنوش القلـب نـوب و نـوب
أعاني من قساها .. لكن إنـي فـي القسـا راسـي
اخاف أفرّح الشامت علي .. لو أكشـف المحجـوب
و يضحك بي ضعيفٍ .. للهروج المحـق عساسـي
سلام الله على العارض طويق .. الثابت .. المنصوب
يذكّرني .. بشدة باسـي .. اللـي ساسهـا ساسـي

[سعد بن عادي]

اثر الرياجيل تفرق بالمـدى والعـزوم!!
والطيب كايد ..وحزات المواقف .. (محكّ)
احد ٍ على اطرف سبب.. ماعاد يقدر يقوم
واحدٍ لو تسكّر.. الدنيـا بوجهـه ضحـك

[سعد بن عادي]

انا لي ثلاث ايام متعومـس ومنصـاب
وعليّ الهواجس قـام يكثـر توافدهـا
هجوسٍ تفك الباب واخرى تصك البـاب
غدى الصدر منزلْها والاوجاع موردها
تحيّرت في وضعي وانا من ذوي الالباب
عجزت اكشف العلّه بجهدي واحددهـا
وانا ماني اللي فالمواقف كسير انيـاب
ليا اونست قمّة حرّها قلـت ماابردهـا
علي الصبر ياقلب وابذل لك الاسبـاب
على الله طبّك ولا انا رحت فـي يدهـا
شبيه السحاب الغرّ ياشعري المنسـاب
عزايه بيـوتٍ كـل ماضقـت ارددهـا

[سعد بن عادي]

الشعر يُكتب من مفاهيم وفنون
واحساسي الشعري عطا الشعر وخذا
ياكثر شعّار البلد لو يكتبون
وياقلهم من يكتب احساسه .. لذا
إن قالوا : الشعّار صعبه يفعلون
انا بدعت احساس ماقلته كذا
واليا بدعت ابدع على كل اللحون
لنّه يمثل في شرايني غذا

[سعد بن عادي]

الكون ، ثقب ابره .. وانا ، همّي جمل
يـا الله ، ولاغيـرك يفـرّج كربتـي
فيك الأمل ياالله .. ولا غيـرك أمـل
يقـدر ، يبشّرنـي بفرقـا غربـتـي

[سعد بن عادي]

ياالله احفظ ماتشيل ارضي ، وبارك في سماي
من براكينٍ .. حممهـا عنـد بـاب الفوّهـه
عالمٍ تستضحك بوجهي ، وتطعن فـي قفـاي
والوجيه اصفى من الما .. والقلوب مشوّهـه
ليت مااقرا فالوجيه .. الا ملامحهـا وجـاي
المصيبه ، لااصبحت بعض الصدور .. مفوّهه

[سعد بن عادي]

الطيب طيب السريره وانتبه يانبيه
لاتنخدع واتحداك اضنون نفسك حدي
ماكل من قال له علم ٍ يبا يحتميه
ولاكل من حج يذبح فالمشاعر فدي
لكن عندي كلام ٍ وفيه راي ٍ وجيه
اوصاني ابوي به وأوصي عليه اولدي
لاتستمع في هل النمّه وحكي السفيه
من جاك يمشي بنمه راح عنك ايعدي
ياشين بعض العلوم وقبح بعض الوجيه
اللي تحدّك تردّا لو منت ابردي

[سعد بن عادي]

عن راوية حفص لا رتّل سعود الشريم
كل ضيقه راودت خاطري يـا ويلهـا

قام يجلدها بصوته من الذكر الحكيـم
أسمع الآيات وأخشـع مـع ترتيلهـا

الهوى الغلاب والنفس وأبليس الرجيم
تدفع بنادم لحـطّ الهمـوم وشيلهـا