[مرزوق العجوني]

ياسقى الله قبل اسافر عنك يالدار الثمينه=يوم انا طفل يشوف عيوب جدرانه مزايا
يوم انا طفل يمر اليوم ماشاف الغبينه=الضحى وسط المدارس والشفق بين المطايا

[مرزوق العجوني]

مارجعت من الغياب الا عشانك=ايه لكني رجعت ومالقيتك
فاقدك واليوم انا فاقد حنانك=ردي لي بعض الحنان اللي عطيتك

[مرزوق العجوني]

كيف افهمك مادمت فاهمني خطا=اثنيننا مخطين لو تبغى الصحيح
مفروض نعطي قد مافينا عطا=فعل الجميل يجمل الوجه القبيح

[مرزوق العجوني]

اتذكرك واستلطف الحزن والصمت=واغطي عيوني براحه يديني
يمكن اذا خايلت زولك تبسمت=قدرت اخبي من الاوادم حنيني

[مرزوق العجوني]

ودي الاقي عذر ياضيقه البارح=لكن يالاسف ماشي يشفع لي
ماعاد تفرق انا مجروح او جارح=كل الحكايه عليك شلون ترجع لي

[مرزوق العجوني]

بعدك آنآ بخير بس آشتقت لك وآجد=آلله يردّك لَقلب مَا يبي غيرك

[مرزوق العجوني]

احب جرحك كثر ماغليك واعزه=واشتاق اغازل زعلك برقه الحاني
غصن الوله لانويت تغيب وتهزه=هزه ولكن حذاري تكسر اغصاني

[مرزوق العجوني]

أنـتـي ..
.... وفـيـروز ..
والصـبـح / وعصـافيـره ..







بـي أجتمعـتوا ,, وش أعـذب من كـذا يعنـي