[النمر1012]

[النمر1012]

مجلسن من دون كيف العرب كيف أروقه
لو معازيبه عيال القايد السلطاني
أأأأح يا وجداه يالمحموسه المدقوقه
تو جيبت من ورى حد اليمن بقطاني
مضمدة راس العربي لا وجعته فلوقه
ريحها من قبل صبتها هوى الضرماني
وان شرب فنجالها ضرمن فتح غالوقه
وقام كنه من سرايا هتلر الالماني
للعرب تنسب وترمز للكرم وطروقه
قدرها قبل الشحم والعود للضيفاني
وكل بيت بلا قهوتن ناقصن في ذوقه
كنه الي صك بيبانه بوجه العاني

[النمر1012]

على رسلك..!تريّث !!لاتمرّ ( الساكت الثرثار )!!
ترى اخس الكلام اللي " نقوله قبل نختاره "

[النمر1012]

الشك يجتث الغلاء من جذوره
وقصر الوفاء لا زاره الشك ينهار
ماكل راعي شور ناخذ بشوره
يضيع من يمشي ورى كل الاشوار
الشعر بوح اللي جرحتي شعوره
وكسر الخواطر مالها جبر جبار
كوني على بعض المواقف صبورة
والحكم باستعجال مصدر للأخطار
الغالي اللي غاب أراقب حضوره
أدمح خطأ وأردم غطاء وأدفن أسرار
أنا أتعذر لك وأقول معذورة
ودي نكون كبار في عالم أكبار

[النمر1012]

خايف عليك ومنك بالحيل خايف
عزي لقلبي يجمع الحب والخوف

خليت قلبي والشقاء بك ولايف
قلبي عمى وش عاد لو عيني تشوف

... عمري قضى ماقلت لك واحسايف
عندي نهايه درب الاشواق معروف

قلبي لغيرك لو تغليت عايف
حبك ملك قلبي ونساني الخوف

[النمر1012]

[النمر1012]

ادري زعلت وصرت ماأنته بيمي
حتى قصيد الحب ماعاد تقراه
ماتدري ان الود بعروق دمي
وان الغلا جاب المعنا من اقصاه
وماتدري انك صرت بالوقت همي
واكبر طموحي وصل حبك ولقياه
ياروح روحي بالحياه ومعمي
لاتنزعج لاخفيت حبك وطرياه
ولاتلومني لاشلت دمعي بكمي
خايف يقولون العواذل وش ابكاه

[النمر1012]

على اثار بيت قادني للمعاني قود
يهز الشعور وله صدى في دواخلها
ما لوم السميح لو ضرب بالوتر والعود
وبين نقاط الضعف وأفصح وفصلها
ضرب في وتر حساس يفطن له المولود
وركز على ناس تمادى تطاولها
شرح عن شرايح فكرها مغلق ومحدود
لا زال التخلف كامنا في معاقلها
أوادم بمظهرها لكن الوعي مفقود
مناظر كما الأشباح وابليس مشغلها