[مرزوق العجوني]

حبه بقلبي سالفه سر في بير=وكن الفؤاد يقول هذا زبيني
ياكثرهم غيره ولكن خبر خير=ماغير شوفه في الوجود يهنيني
رايي كذا ياعاشقين الغنادير=ماله على وجه البسيطه وزيني

[مرزوق العجوني]

ملفك الشخصي من الناس مزحوم ..!!=وأنا مع هالناس لك جيت زاير ..
جيتك وفا وإلا أنت ..؟ بالذاكره دوم=وإلا الغلا / تشهد عليه الضمــــاير
النــاس كوم .. وأنت ياصاحبي كوم =ياللي لك بموطن خفوقي عماير ..
جيت لك غلا من دون صـــك ٍ ولا ختوم=والشاهد الله , ماحسبت الخساير
في جيّتك طاري الفرح , طيّر النوم=جيتك وأنا من لهفتي / جيت / طـاير
تواجد أسمي بالملف ..!! صار ملزوم=لا شفت (أسمــك) متصل جيت (زاير)

[مرزوق العجوني]

حظ عيني لو تشوفك كل يوم
حظها وانته لناظرها الضياء
نام فيها نام وانعس لا تقوم
بالسعاده ياتباشير الحياء

[مرزوق العجوني]

كل عام وانت بخير والحب باقي=يكبر معانا كل مانكبر اعوام
وكل عام : ياعمري يزيد اشتياقي=واشتاق لك كل عام اكثر من العام
وكل عام والهقوه على منت هاقي=لي قلب وافي ماتغيره الايام

[مرزوق العجوني]

اليوم جيت وفي يدي امنياتي=ابكي من الفرحه وانادي للاحلام
هذا الشهر رابع سنه ياحياتي=عقبال مانكمل يـاقلبي 100 عام

[مرزوق العجوني]

رحمك الله ياحب(ن)سكن في داخل الاعمـاق=رحل من دون مدريبه ولا ادري وش نوى فيني
حبيبـي لاتخلينـي اهيـم بعـالـم العـشـاق=تـرى مابـه احـد غيـرك بهالدنيـا يسلينـي

لي

[مرزوق العجوني]

ولو ليله تعال أعلمك عن وقتي بلياك=وشف وشلون أحاول عزل قلبي عن حكي بالي
وأنا أحاول ولكني فشلت وكل ما بنساك=تذكــــــرني الرسايل يـــــــــوم أقلــــبها بجـــــوالي

[مرزوق العجوني]