[النمر1012]

[النمر1012]

[النمر1012]

[النمر1012]

ياعذولي كف عذلك بدون احراج
دخيلك ترى بعض العرب ماتحمّلها
انا منتحي والمنتحي صعب ماينعاج
يدوس المخاطر بالقدم ويتساهلها
يشوف الدروب الكايده كنها الديباج
يزور السباع الضاريه في مداهلها
حداه الغرام وصابه من الغرام خلاج
عيونه تهل الدمع ماكف هاملها
على من تمكن في ضميري غلاه ولاج
نحا وانتحا في راحة النفس واشغلها
حبيبن لبيبن لبق للنفس والمزاج
عطوفا رؤؤفا بالقلوب وتعاملها
خبيرا بسلم الحب والعرف مايحتاج
حوى واحتوى كل الصفات ومسائلها
تمريع بعودن ناعم انعم من الكرباج
لياهب نسناس الهوى غصب ميّلها
غريبا بوصفه في جميع الوطا ماداج
تجلاّ وجل اللي عطاها وكمّلها
بعقل وثقل من فوق رووس العذارا تاج
وهذا الذي عندي رفع شان منزلها
ولو كان ماحصّلت للجرح منه علاج
مخايل مزونه تتعب اللي يخايلها
رفيعا مقامه عن هوى العاشق البلاّج
شريف المسار وسيرته مايحوّلها
اسرني بحبه غصب ماعاد فيه افراج
ونفسي اسيره مالها عفو يشملها
لعل وعسا يعطف على العاشق المحتاج
بعطفه ولطفه بذ نفسي توسّلها
انا المغرم اللي ضاع في غبّة الامواج
ولاعاد اميّز بين حابل ونابلها

[النمر1012]

لاعاد تبكيني فديتك ولا ابكيك
دام ان عينك فالمحبه كفيفه
ودام الجفى عنوان يحكي مباديك
عمر الوصل زايل لوانك تضيفه
والحب واحة همً والشوق ماضيك
تغرق بها دام الأمانه ضعيفه
ومهما زرعت من الأماني براضيك
زرع الشتاء ماينزرع في خريفه
وغيم الوفاء ماضنتي يلتفت فيك
عقب الجروح اللي تسبب نزيفه
وسفن الغلا دايم تعدي موانيك
من بعد ماشالت خساره كليفه
وبحر الهموم اللي يعانق شواطيك
لايحزنك مادام عانق حليفه
ودامك تشوف الحزن بعيون مغليك
مامربك لكن يذًكرك طيفه
بجروح قلبه كل مامر طاريك
ولامن ذكر معنى الأيادي النضيفه
اللي تمد الود من شان ترضيك
وترفض تبادلها الغلا بالنصيفه
ويضيع كل اللي جمعته بياديك
وتطيح قدامك قصورٍ منيفه
وباب الأمل فاني ولافيه تشكيك
لامن شهر في وجه الأيام سيفه

[النمر1012]

[النمر1012]

[النمر1012]

مرت سنه والصمت كابر سؤاله
عن صاحب وجهه يزين فؤادي