[(ابوعواض)]

ودنا بالطيب بس الدهر جحاد طيب
كل ما تخلص مع الناس كنك تغشها
يدك لامدت وفاء لاتحرى وش تجيب
كان جاتك سالمه حب يدك وخشها
كل ماشبيت نار المحبه مع حبيب
قام يسحل في مشاهيبها ويرشها
وكل ما واجهت لك فالزمن وجه غريب
مثل ماقال المثل دام تمشي مشها
وذمةٍ ماهيب تندار للحق المصيب
جعل قشاش الحطب لاسرح يقتشها


سعد بن جدلان الاكلبي

[(ابوعواض)]

قصيده مما احببت من قصائد شاعر الوزن الثقيل سلطان الهاجري

البــارحــه يــاروح روحي خنجــر عتابــك حديــد
تــومي بهــا واليا اسهبت بين الضلــوع اركيتها



حُكـــم الغـــلا خــلاك تطعني وانـا اللي مستفـيــد
فــديتــك انت وكــل طعنـــه مــن يــدك فــديتـهـــا


محبتـــك تجــري بــدمي مـــن وريــد اليــا وريــد
بيــن الضلــوع العــوج بخشتهـا وقلــبي بيتهــــا


ليــنـت لك قلبــن لغــيـرك مــا يلــينــه الحـــديــــد
ولــديت لك عيــــن(ن) لغيـــرك مــا بعـــد لديتهـا



وغــنيــت فيــك النادرات الشاردات من القصيــد
اللي تثيـــر الصمـــت في الجمهــور لاغنيتـهـــا



ونشـــرتهــا بــاشهر مجـلـه للقــريب وللــبعيــــد
على غلاف المختــلف كـلـن قـــرا مـــنشـيـتهـــا


عقدن يلـيــق بـجيـــدك اللي فــارقن عن كل جيد
والشـــفه اللي هرجهـــا معـسول يخرب بيتهــــا


لاقلت اريــد وقالت امــر قلت مدري ويش اريــد
قــالت علامـــك قلــت انــا بغيتهـــا واخطيتهـــــا


مـــــره مــن المـــرات في ليل ٍ نسـانيسـه جليــد
هـــزتني الـــذكرى وســـرتني ونـــا ســريتهـــــا


مـدري بطل مدري خبل مدري ذكي مدري بليــــد
ميـــر المهم ان العنــــود اليـــا دعتنيي جيتهــــا


وان شفتها عقب التعـب والليــل والبرد الشديــد
واقـــــول ياليــــت الليــــالي كــلهـــا يـــالليتهـــا


مــــرة شقــاهـــا للشقي ولذة سعدهــا للسعيــــد
والــذ منهــــا الجمــره اللي في يدي ضميتهــــــا

تحياتي

[(ابوعواض)]

عزاه يا وقت مضى عله يعود
يومه ربيع و وقت عطلة و كشتات

يوم اللقا ما فيه عيب ومنقود
فيه الهوا طاهر ونابع من الذات

نقعد ودوتنا بها الضو موقود
وريح الحطب ينثر على الجو نفحات

وخلي يحاكيني واحاكيه بحدود
نحكي كلام العين للعين بسكات

نشرح هموم البعد ونجدد عهود
ونرسل شكاوي الحب بقصيد وابيات

ويقول وين فلان واقول موجود
وكنه يقول الحب وأقول ما مات

وهذي عجوز فاهمه حروف وردود
تكشف كلام الحب لو صار نظرات

ويقطف من العيدان عود وراء عود
ويكتب على القاعه احبك يا ونات

واخاف يفهم ما كتب جدي العود
واخاف حساد الهوا حقد و وشاة

وآنا اطرشله من عيوني السود
اجمل معاني الشوق والبعد خطوات

وهو يطرشلي مع حمود وسعود
رساله وكندر وشاني وكتكات

واليا اقبلت ديمة بها بروق ورعود
رديت للديرة معي جيش عبرات

وأبكي زمان فات يا عله يعود
يومه ربيع و وقت عطلة وكشتات


الشاعره ونات

[العبسي الغامض]

لابآس يآبعض التفآكير لآ بآس // تفكيــر حآير بين نآقص وزآيــد

[(ابوعواض)]

العبسي انا فدا هالطله

لاهنت علي التثبيت

[(ابوعواض)]

*قصة القصيدة:
وقع خلاف بين الشاعرة وزوجها عبود بن علي بن سويلم الشلواني العازمي أدى إلى طلاقها طلاق لارجعت فيه وبعد طلاقها رفضت الكثير من الراغبين الزواج منها، وكانت امرأة تتمتع بالجمل والأخلاق ومن عائلة معروفة ومحافظة، لكنها رفضت جميع من تقدم لها. وذات يوم كانت تسير بصحبة أولادها (حوشان، وسارة) ومرت على طريق يمر بمزرعة مطلقها ورأته فوقفت على ناصية المزرعة وانطلق الأولاد للسلام على ابيهم وبقيت تنتظرهم حتى رجعوا ثم واصلت مسيرها.. وقد تذكرت ايامها وكيف كان الحال وماوصل اليه ثم صورت ذلك في قصيدة خالدة منها هذه الأبيات:-

ياعيـن هـلـي صـافـي الـدمـع هلـيـه
واليـا انتهـى صافيـه هاتـي سريـبـه
ياعيـن شوفـي زرع خلـك وراعـيـه
شـوفـي معـاويـده وشـوفــي قلـيـبـه
مــــن اول دايــــم لــرأيــه نـمـالـيـه
والـيــوم جيـتـهـم عـلـيـنـا صـعـيـبـة
وإن مرنـي بالـدرب ماقـدر احاكـيـه
امصيبة ياكبرها ياعرب من مصيبة
الـلـي يبيـنـا عـيٌــت الـنـفـس تبـغـيـه
والـلـي نـبـي عـيـا البـخـت لايجيـبـه


للشاعره نوره الحوشان الرشيدي

[(ابوعواض)]

اكبر فخر للناسس انك من الناس
واكبر فخر للارض ممشاك فيها
هي من غلاك احساس ما حده قياس
اغلى من الدنيا و من هو عليها ...

[(ابوعواض)]

قصة راشد العجمي الملقب بخرى الذيب ..

كان راشد يعمل سائق في شركة ارامكو ,, ويركب الرجليه اللي على الخط ببلاش وهذا يخالف أنظمة الشركة

وقد حصل راشد على أكثر من إنذار .. لكنه لم يبالي بالأنذرات ..

وفي أحد الأيام شاف عجوز تأشر على الخط ومعها معزا وحمار ( الله يكرمكم ) المهم قال لها اركبي وقالت

وبأخذ معي الحمار والمعزا ( الله يكرمكم ) قال لا والله تبين تركبين أما الحمار والمعزا ماني ماخذها ..

قالت أجل الله يستر عليك يجيني هالحين خرى الذيب و يأخذني معه .. وعندما سمعها .. أركب العجوز وحلالها ..

وبهذه القصة تم فصل خرى الذيب من الشركة ..

وأورد القصيدة ..






قالها إبن الذيب من هاجوس باله =كلمةٍ يلعب بهـا والبـال زينـي
قالها يومه طرالـه مـا طرالـه =من هواجيسٍ تشيب المرضعينـي
غرّني بعض الرجال بكثر مالـه= مادرى إن الموت في حبل الوتيني
كيف ينفعني وبعض الناس خاله =ما يدوم البيت كان الساس طينـي
ماش وين اللي عوايـده الشكالـه =مثل إبن ظافر حمد ليته يجينـي
الثنا والجـود دايـم فـي خيالـه =علّمـه ظافـر سلـوم الطيّبينـي
جـوّد العليـا ولزّمهـا عيالـه= وأدركوا من علمته دنيـا ودينـي
واهني من باع حظّـه وإشترالـه= سار في درب النبي وأخزا اللعيني
موقفـه ماكـل رجّـالٍ ينـالـه= ومن بغا ممشاه يقعـد مرّتينـي
وكم ذبح من حايلٍ من حر مالـه = وعادته لطمة خشـوم العايلينـي
حالفٍ ماخذ على الطرقي ريالـه= وبالثلاث محرّم إنها مـا تجينـي
لا لقيت اللي على السكّـه لحالـه =يلتفت ويقول : وين المستحينـي
أوقف الموتر حيا وأبغا الجمالـه =يوم ولد اللاش وجهه مـا يلينـي
والطمع في كرّوة الرجلي رذالـه =خصّ به وإن جا مجال الغانميني
والردي في حالةٍ ماهيـب حالـه = يا عوينه مـن كـلام الطيّبينـي
الولد وإن طاب قالوا : من خواله= بالخوال يسـال قبـل الوالدينـي
وأركبه لعيون من زيـنٍ دلالـه =ما تحاكوا في قفـاه الرامسينـي
ما بغى غيري وأنا مابغا بدالـه =قاعدٍ لي بالرجـا مـدّة سنينـي
ما قعدنا فالعمـل نبغـا الرزالـه =ناخذ العليـا طريـق الفايزينـي
وأشرب الفنجال وأكـب البيالـه =تابـعٍ سلمـي سلـوم الأولينـي