[سهــــــــــيل]

اقتباس من مشاركة الجدي يقول عبدالله المسعودي الله يرحمه: الهوى ويش الهوى ياهل الهوى اللي تعرفونه=الهوى ماهوب ضحكة سن مع صاف الثماني اتمنى من بقية الاعضاء المشاركة في المجاراه بدون قصور في الشعار اللي سبقوهم بالمجاراه بس لاجل الاطلاع على البيوت لااقل ولا اكثر. ولكم تحياتي.............................

فكره جيده يالجدي وبيت مليان والله يرحم الشاعر عبدالله المسعودي

أشكرك أخي الجدي على هذي الفكره

هذي مجاراتي

الهوى لا واهنيَ ناسً طريقه يجهلونه=الهوى جرحً عطيبً و الدواء ما له ضماني

[العالم الفلكي]

الله الله صحت السنتكم ياشعار

اللي بعده ههههههههههههههه

[معلا المظيبري]

الهوى مجنون ليلى هو وليلى يذكرونه= لا تحسبون الهوى بس قولاً بالساني

[ناصر خنيفر]

اقتباس من مشاركة الجدي تو ماكملت الرصه يابو البرامكه ههههههههههه صح لسانك بيت مليان من شاعر مبدع بس وش قصة الوضيحي خان انا اول مره اسمع عنه عطنا سالفته كان تعرفها لو برساله خاصه للفائده. ومشكور على المرور

الوضيحي لقب ولا هو اسمه بصري هذا رجل مشهور بالعشق وهو من قبيلة شمر القبيله المعروفه وعند ماتجاوز عمره
90 عام حججه ابنه وعندما مادخل وقام يطوف مرته بنت مزيونه بالطواف وقيل انه حصل ماحصل وعند رجعته من الحج قيل له ليش تعمل هذا العمل وانت حجاج وكبير بالسن قال هذا البيت المشهور

التايه اللي جاب بصري يقنه========== جدد جروح العود والعود قاضي

والقصيده اطول من ذلك

[معلا المظيبري]

مساء الخير يالعمده نورت مبطي ماشفناك

[ناصر خنيفر]

اقتباس من مشاركة معلا المظيبري مساء الخير يالعمده نورت مبطي ماشفناك

ارحب يابن مظبر ماجود طال عمرك ولكن العجوز حكمة عليه اني ماسهر ههههههههههههههههههه

[معلا المظيبري]

اقتباس من مشاركة ناصر خنيفر ارحب يابن مظبر ماجود طال عمرك ولكن العجوز حكمة عليه اني ماسهر ههههههههههههههههههه

الله يجعلك دايم بالوجود ويخليلك عجوزك حبينا نسلم عليك
مع كل الاحترام انظر الطلب في مروري على قصيدك الذي تسل
عن الثلاثه اذا وافقت رد الخبر لو برساله خاصه

[ЖالجبلЖ]

مشكوررررر يالجدي على هذه الفكره الرائعه والله يرحم المسعودي

هذي مجاراتي

الهوى ما يرحم أهل العشق ياللي تجهلونه=الهوى مثل السحر تظهره عين المودماني