[عيد ابو غريب]

اشوف ابعيركم قبل شلفا ذياب ماثار = وهالحينه علينا يابو زهره تحايل
طويل الساق احده علي النازي وينهار = ويحب الارض ويقول يالله ياعقايل

[المرقاب]

لقيت اسمك مسجل مع الضباط الاحرار = ولكن مشيك اقشر مع الدرب متعايل
على غبن الزمن شاب راسك ونت صبار = ولا ولا قلة المعرفه مالك مثايل

[عيد ابو غريب]

انا غبني بسبت ردي الحظ منخار = ازنقه الغنايم ويرضي بالقلايل
اكزك بالرسايل ولا انت بجايب اخبار = ومن البارح نجاملك من شان الرسايل

[عيد ابو غريب]

صح السانكومع السلامه

[المرقاب]

ردا حضك وحولت في نار ابن عمار = وعلوم الخير واجد ونا ماني بقايل

تكزك نيت السو عن درب الوفا ايسار = وفصيلة دمك اقبح ماشفت امن الفصايل

[المرقاب]

ابو غريب تشرفت باللعب معك بيض الله وجهك تحياتي وتقديري لك

[مصفي المرح]

اقتباس من مشاركة عيد ابو غريب يابناخي ثنيان لو انك مانت مختار = تبي تقصد وتسري ماحصلت الدلايل الا يابني عمي وش الي بينكم صار = علام اموركم كلها غل وغلايل

ابو غريب مايكسر البيت .. ولايجوز لاحد انه يتلاعب في تاريخه


يابناخي ثنيان لو انك مانت مختار ..

[بعيد الشوح]

اقتباس من مشاركة مصفي المرح ابو غريب مايكسر البيت .. ولايجوز لاحد انه يتلاعب في تاريخه يابناخي ثنيان لو انك مانت مختار ..

يابناخي ثنيان لونك مأنت مختار

يامصفي المرح عاد كلش ولأبو غريب

لو أنك الألف تكتب ولاتنطق بلهجة ابو غريب ولايوجد على هذا الشطر خلاف

على العموم المحاورة فيها من الفتل والنقض والشد والجذب وتارة يتفوق المرقاب وتارة ابو غريب

ولكن تفوق المرقاب في أغلب فترات المحاورة

من مميزات المحاورة

عيد
سمعت الذيب يقنب علي المرقاب ياجار = وغريبه عويت الذيب الاشهب بالقوايل

عيد جابها على الجرح
الا يابني عمي وش الي بينكم صار = علام اموركم كلها غل وغلايل



هنا المرقاب يتهم الشاعر بأنتحال الشخصية
ماتلقى لاكسرنا العضم للعضم جبار = ياشين السرج فوق الكديش مع الاصايل


المرقاب ينعت خصمه بعدم الشاعرية وهذا البيت به حبك استفزاز من الدرجة الأولى
لقيتك يالغناوي ماعندك غير دينار = وحنا لاجل دينار مانشد الرحايل

وهنا عيد يرد بثقة الشاعر ويتهم !
انا طبيت بالسوق ماحصلت تجار = ولا عينت ياغير حلاب العدايل

حتى جاء الرد من المرقاب بهذا البيت

لقيت اسمك مسجل مع الضباط الاحرار = ولكن مشيك اقشر مع الدرب متعايل

وهذا عيد يقول اعطيناكم الفرصة ولأحد وصل القمة!!
اكزك بالرسايل ولا انت بجايب اخبار = ومن البارح نجاملك من شان الرسايل

مأقول إلا صحت السنتكم المرقاب وابو غريب

امتعتونا بهذا المحاورة الطيبة

وانتم شعار ماعليكم كلام