[غربة الروح !!]

تعبـــــــت وربي تعبـــــــــــــت من هالبشـــــــــــــر ):

[غربة الروح !!]

البارحه ماطاب لجفوني أمراح
في قبضة الهوجاس تم احتجازي ..!!
أحيان اضحك كاني بقاعة افرآح
واحيآن كاني وسط مجلس تعازي ..!!
ماقول متكدر ..ولا اقول مرتاح
مابينهن مريت ... خاتم جوازي ..!!
من دنيتي قانع ولا أدوّر اربآح
أسعى وادور عيشتي واعتيازي ..!!
الحظ طايح لاكن البآس ماطاح
أناظل الدنيا .. وعليـه ارتكازي ..!

[غربة الروح !!]

يتصفح الموضوع حالياً : 9 (1 عضو و 8 ضيف)


صبــــــــــآحكم خـــآلي من الهـــم وربي

[غربة الروح !!]

ان كان ماصدري بالاحباب مزحوم
ياعلها للضيـق عـوج المحانـي
اطيح ثـم اقـوم واطيـح واقـوم
من همي اللي في الضلوع احتواني
كن السهر مابين الاجفان مرسـوم
الليل اخذني والسهر وش عطانـي
وعقد الصدف في عنق الايام منظوم
عقب انفرط مدري من اللي لقانـي
خل الحكي في قاع هالصمت مردوم
محدٍ ليامـن غبـت سـد بمكانـي

[غربة الروح !!]

صبـاح الخـير يا طعـم القصيد ولونه وعطره
يا أول حـرف من عمـره وآخر بيت بأشعاره
صبـاح الخير لو رديـت ..والا القلب ما يشره
\ولو غيـرك يبي يسفـط ..لـزوم يقدّم أعذاره
طبيعـي.. دام لـك عاشـق يحبّ لآخر القطره
يبي يزرع لك أزهار الوصـل لو شحّت أمطاره
عرفتـك.. قبـل لا الاقدار تكتـب بيننا النظره
وشفتـك ..وابتـدا غرس الغرام يدنّـي أثماره
صحيـح ان الشجاعة لو قوَت ما تغلب الكثرة
ولكنّي سهرتــك والصبـح ما فكـك أزراره
طعون الليـل وطعونك // وكلمة كنها الجمرة
ألا وين الشجاع الي يصـد عن نفسي الغـاره؟
وانا احبـك ومن حبّك قلعت القلب من جذره
ومدّيتـه ولكـن للأسـف مـا بانت أخبـاره
أشـوفك كـل ما لفيـت وجهي يمنه ويسر
تقل هالكـون مابه غير وجهك يعكس أنواره!

[غربة الروح !!]

ماعرفت الليل قبل انك تغيب
آه ياوجهٍ طواني مغربه
ماقربك الشعر لو انه قريب
لأنك ابعد من حدود التجربه
السكوت احيان يلقاله مجيب
لاعرف باب الكلام ومهربه
والسوالف لو تعوّد وش تجيب
كل صوت وله شفاهٍ تكرّبه
ماعلى الاشواق والنجوى رقيب
ينهدم صدرٍ شعوره سرّبه
مرني دربٍ فقد خطوة صحيب
ادفنته الريح تحت الاتربه
وش لقينا من ورى كثر النحيب
ماصلح لي من زماني خربه
وانت ياقلبي ترى مانته غريب
علّ نزفك يافوادي واشربه

[غربة الروح !!]

شمسي غربت
ضاعت بوسط الكون
دنيا وقفت !
صبحي غدا مثل الحزن باللون
وصارت حياتي عقبها
لون السواد بليلها
حتى النجم نوره ذبل
من جرحها وضاع الامل
وضاع الرجا
ما بين قلبي وحبها
حب اندفن . تحت الثرى
لكن بقلبه روح

[غربة الروح !!]

ماهو ظروري اكون بكامل الصوره
مادام بالقلب جرحٍ ينزف اعجابك
مايختفى غير من يبحث عن حضوره
تبيّنت في سماك اعداك واصحابك
ولو يسكن الحب وسط قلوب مهجوره
ماصادفك من يقول اليوم وش جابك
اجمل اماني العمربالصمت محصوره
ماهو على شان ضحكاتك وعنابك
افواه ترحل وتبقى اقوال ماثوره
مازودك غير مادونت بكتابك
يالابس الغيم دام العين ممطوره
لاتشعل البرق في صدري من عتابك