[شاعر الصعاليك]

(ايدل عرب) رقص وطرب / والناس تذبح في حلب =والشر للعالم قرب / يالله عفوك يا كريم
ما طار طير ٍ وارتفع / الا كما طار وقع = قول ٍ لقيناه برقع / يشقى بها القلب الكليم
زبد البحر غطى البحر / واثر على كل البشر = شفنا عمر ما هو عمر / والجرح محتاج ٍ حكيم
كل ٍ يعيش بعالمه / ناس ٍ طموحه وحالمه =واللي يدور ظالمه / ما فيه قانون سليم
واللي يخلي واجبه / يشيل حمل بغاربه = من له جناح طار به / يهاب نيران الجحيم
ثيران في احدى القصص / اموزعين اربع حصص=والليث عينه للفرص / ما للغريم الا الغريم
استفرد بثور ٍ سمين / يقول لونه في البطين = مكشوف لعيون الفطين / يرميه فالعظم الصميم
وأقبل على الثاني بعد / ما عاش بايام السعد = واخلف مضامين الوعد / يا ثور ما ليثك غشيم
واقبل على الثالث عجل / والثور من ليثه وجل = والخوف مخلوط بخجل / امسيت في كف ٍ حشيم
والرابع ايصيح بخلاه / الليث ما منه نجاه = ما صنت عربون الحياه / ما فاد صوتك يا حليم
ربط الفرس مثل الحرس / واحد درس واحد غرس = وان كان جاء دق الجرس / لا تبكي القلب الفهيم
هذي تماثيل وعبر / كتبتها بدمي حبر = تبقى معي لين القبر / والله فعباده رحيم

[شاعر الصعاليك]

هلا ابو صالح ومساك ورد ، وانا والله اني حول نوم هههه
بس اهديك هالابيات الطازة ، وبكره نتقابل عبى خير

[ابوصالح لرشيدي]

صح السانك وبيض الله وجهك من جد ابيات من ذهب ومن حبر دمك .. وصدقت بالبيت الاول عرب ايدول يغنون والعرب بحلب يذبحون يالله عفوك ياغفور ..
بس بالله ركزلي على البيت الثاني مو ضابط مع على نفس لحن الابيات الثانيه في شي والا هو كذا ...
وصح السانك مرة ثانيه ..
ونوم العوافي والصباح نلتقي على خير ..

[أخـو جـزعـة]

الله الله

صح السانك يالعشير وشلونك عقب المغيبه ههههه

[أخـو جـزعـة]

تبا تختارني اميره ؟

عسى ماشر يالله انك لا تفضحنا ههههههههههه

[شاعر الصعاليك]

صحت ابدانك يا بو صالح
والله مدري بس انا اشيلها صح ، لا بد يصير اختلاف
لا ختلاف النطق ،

[شاعر الصعاليك]

صحت ابدانك يالعود
ويقول المثل ناطح الصياح بالصياح تسلم ههههه

[ابوتوتو]

صباح الخير ايه القوووووم
وين الرجال والا مافيه غيري ههههه