[النمر1012]

من عرفتك ياصدق الود وانا منقسم
عايش مابين قلبي وعقلي في صراع
قلبي افراحه بشوفك ووجهي يبتسم
بس عقلي رايه الحب لي للذراع
والوضع لازال سيء وفي طور الحسم
الله اعلم ويش بيصير من بعد النزاع
بس تدري دام حبك على قلبي وسم
قلبي الصايب وعقلي بها الموضوع ضاع
مستعد اسرب محبتك لو بتكون سم
كيف وانت ان اظلم الوقت تبقى لي شعاع
جاريٍ حبك مع الدم بعروق الجسم
بس احاول كتم حبك بقدر المستطاع
والله انك سبة الجرح واقسم لك قسم
انك اغلى من عشقته الى يوم الوداع
والدليل اني احبك الى قالوا الاسم
انتهض واقول لبيه ياسر الضياع
كل مايخفي خفوقي بوجهي يرتسم
وكل شي يصير للناس سهل الاطلاع

[رشيديه و أفتخر*]

تـــــعال نسكت احسن من كــــــــلام تاليته جروووح
....هلا بصمت دام الصمت مايجرح مشـاعرنا!!!!!.....

[النمر1012]

تدري وش اللي يقتل الشوق يا ذاك
لاني بولد عمك ولا ولد خالك ؟؟
الشوق برد .. ودافي الوصل لقياك
وثلج الجفا خرب طريق اللقا لك
علمتني حبك .. وعلمني انساك ؟؟
لو كان من دنياي .. مابه بدالك
تبغي تضيق خاطري جعله فداك ؟؟
مهوب انا اللي يعاتبك في حلالك
طلبتني قلبي وانا قلت لك .. جاك

[تسواهن]

الحين بس أقدر آخذ قراري
اللي من محيرني من العام لليوم

بعدكِ ونكرانكِ ورد اعتباري
ثلاث حاجات بها القلب مهموم

[تسواهن]

][فــرصــه ][,
أصد شوي .. و أبعد عن |[ النآس ,
وأجلس لـ حآلي .. و أتفكر بـ حآلي :


يآكثر مآني ..


معطيه أحبآآبي إحسسآس ,
ولاـآ وقف
جنبي إلآ ظلآلي.

[النمر1012]

محد ٍ سواك فغيبته .. آحس باهمال .. وفضى
ومحد ٍ سواك فعالمي .. وأطمح اعيش بعالمه !!
صبرت .. يا لاهي .. وصبري من ( جفا صوتك ) قضى
واحرقت قلبي .. والسبب .. كله عشان مكالمه !!

[النمر1012]

مستوحش من غيبتك قدلي(اسبوع)
يا حيف تنساني وانا ما اقدر انساك
وكل القضيه صوت دافي ومسموع
من عبر جوالك وانا اسمع حكاك
كني مابين اضلاعي العوج ملسوع
كل ما آتذكر يا المقفي سواياك
الهجر في سلم الاجاويد ممنوع
لكن صغير وعاذرك .. ويش دراك !!
قلبي لا كنه يا اريش العين ممزوع
مزعة قدم حافي وعاثر بالاشواك
من يوم ما قفيت والدمع ينبوع
كنه يتدفق من عيوني ويرجاك
لكن مشيت وصار لشداد مرفوع
ولا عاد بك حيله وقفت مطاياك
واصبحت كني خالي العقل مصروع
وجف الحكي من قبل لا انطق ولا جاك
شهيتني صوتك .. وجوعتني جوع
ويا حالة محبك .. ويا شين فرقاك
تحدني لقصاي واجي لك بطوع
وانا ما آحب اني احدك على اقصاك
وش ذنب من حبك يلاقيك دلوع
تخطي عليه وكل ما اخطيت مشاك
ما للخطايا منك ناتج ومجموع
سوى العذاب بخافق اللي تمناك
لكن على الله والامل غير مقطوع
في شوفت عيونك وفي لمس يمناك
من يوم غبت وكل ليله لي شموع
تذوب لين الفجر حتى تحراك
ابكي بدمع اللي لقى آخيه مصروع
ويصيح كنه يوم اناديك ناداك
فيني لحبك ارض واشجار وفروع
0تشبها بالطيش وآنا اتدفاك
باتقول لي وشفيك باقول موجوع
باتسبني من خاطرك باتفداك
الله خلقني انسان لكن لي طبوع
بس الوكاد انه عطاني ولا اعطاك
اني احس بغيبتك طول ( الاسبوع )
وانك على بالي ولا اقدر انساك !!

[دهر]

الجو جو ان كان بعض العرب جو
وان كان ما جو ما زان جوي