[النمر1012]

من الحيا مبطي عن إرسال الإرسال
يا مسندي يا قوتي يا حزامي
ألين ضاقت بي ثيابي و الأحوال
وجيتك وأنا مكسور كسر العظامي
جيتك أعرف الدار حل ن وترحال
وأصبحت جاهل في الخبر و الآسامي

مثل الغريب اللي نظر يم الأطلال
سالت له الدمعه ورد السلامي

[النمر1012]

حضورها عارفه .. وابداعها النثري
اللي جلب شرّد الافكار .. مقرونه
لا توهموني .. تروا ماني على خبري
القلب مفجوع .. والاشواق مجنونه
الاسم موجود بالتوقيت .. من بدري
يوم انها سلّمت لطفاً .. وممنونه
مرت على صفحتي .. واستأسرت حبري
ياحبري اللي يسيل الحبر .. لعيونه
مرورها دايم آحطه على .. صدري
وسام .. واغلى اوسمة غيره يجي دونه
اكتب لها البيت .. والبيتين من شعري
والشعر لو في سواها ليش .. يحيونه
أخط الابيات بالوردي .. او الزهري
لعل شعري يلامس طبعه .. ولونه

[النمر1012]

شفت شمس الصراحه وجهها للمغيب
والخفافيش صارت في زمنّا عصابه
شفت عين المراجل بالسهوله تعيب
لو تبيّن دموعك مايقولوا هلابه
وشفت قصر الأماني والفضاء الرحيب
من غيابك تهدّم والبقايا خراب

[النمر1012]

على هبوب الذاكره وين مدري
يمكن يبي ذيك السنين وضياعه
عصرٍ لونه صار ماهوب عصري
اقفى وروحي في يدينه اقلاعه
بعده اسنين العمر ماهي بعمري
هي الحقيقه مثل قول الاشاعه
صوبه هواجيسي ورودٍ وصدري
وعينٍ ترجى من صباحه شعاعه
تشوف الاماني فوقها الريح تذري
لكنها عجزت تشوف القناعه
ما قدرت وقفات وقفات صبري
اللي تموت ولاتموت الشجاعه
ماهمني كود المبادي من امري
والازعل هالنفس لله طاعه

[النمر1012]

يارسيل الشوق يالهفة نسيمه
لو كرهت النفس لاتنكر غلاها
دام في قلبي على طيفك عزيمه
لو نسيت القلب ، ماعينك نساها
فرحتي صارت كما ( خالد ) يتيمه
لو ضحكت اصدورنا همن غشاها

[النمر1012]

العقل نعمه والسوالف لها ساس
والرجل يوزن كلمته لا نطقها
واللي بيسمع مايقولونه الناس
نفسه على طرد السوالف حرقها
سم الكبود الحكي ياطير قرناس
ارفع مقامك لاتجي في طرقها
خلك مع العالم على كثر الاجناس
والاذن عن قولة يقولون صقها
نقل الحكي بين العرب يرخي الراس
ياما وياما كم جميع فرقها
والمعرفه غبّه وتحتاج غطّاس
حتى يجيب الولوه لا لحقها
من لايقيس جو له الناس قِيّاس
ولا عاد تنفع شهقته لاشهقها

[النمر1012]

[b]بعض المواقف تنهك الرجل ويدوخ
وبعض الصدف مامن وراها سلامه
/b]

[النمر1012]

طيِّبِ(ن) يا قلب ، لكِن ! وش تفيد الطِّيِبَه
شوفها ظاعت قِدِمْ عَينِك ، مع ل اصْحابي
قد نصحتِك مير ، طبعِك ، خابره وأدري به
ما يدااانِي منِّي الشَّرهَه ، وكِثر اعتابي
ماتفيق إلاَّ بعد ما تِنصِدِمْ ب امصيبَه
والمصيبَه ؟؟ ماتراااعِي ، ثورتِي ، واعصابِي ؟!؟
مالحقني فيك شَك ، ولا ال حقتني ريبه
فيك فطنه صح ؟ لكِن ! ماحسبت احسابِي
لاتقول إنِّك عضو غالِي ، وتمْلِك هَيَبَه
هيبتِك ماتنفِعِك يا قلْب ، وأنت أدرى بي !!
غاليِ(ن) ياقلب لكِن ! ذالغلا ؟؟ مالي بَه ؟!!؟
داااامَه اينُووووش الكرااااامه ؟ مُوُوُوُت ! لااااا تحيى بي ؟!؟
لن مووووت العز ، أشرف مِن حياااااة الخيَبَه
لو على حساااااب الغلا ؟؟ والحُب ؟؟ والأحْبَابِي ؟!؟
وخلَّهااااا ، تنفعْك ، يا قلب العنا هالطِّيبَه
قِد نصحتِك ، بس طبْعِك ؟ ماتِحِب اعتابِي