[مرزوق العجوني]

من العام ظنوا بي وظنوا وظنوا
وأنا على نية بياضي من العـام

واللي لضعفي وانكساري تمنـوا
خابت بهم ذيك الأماني والأحلام

واللي على حزني من الكره غنوا
داريتهم في حزنهم مثل الأيتـام

واللي على فرقاي يامـا تجنـوا
شفهم على مثلي يعضون الإبهام

[مرزوق العجوني]

يا بايع ( الورد ) بالله بيعني ( ورده )
................( حمرا ) مثل لون دمي في , شراييني

ماهو على شان ابهديها على وحده ؟
................لكنّها ذكرتني فـي , ( نظـر عينـي ) .!

يمكن تعوّضني الحرمان من بعده .!
................واعيش مع ( ذكرياته) باقي سنينـي !

[مرزوق العجوني]

( المسنجر ) بدونـك ضيقة أنفاس
...............خيّم الحزن وشتّت ليّ ( سروري ) !

أدخله كل ليل وبين هـ ( النّاس ) ؟
...............( أتحرّاك ) , يا مرضـي ( غروري ) !

يقتل الفقد فيني كل .. الإحساس
...............مثل مايقتل ( غيابك , حضـوري ) .!

[مرزوق العجوني]

أدري خسرتك بس مدري على ويش !
................لكن تظل ( أجمل ) فصل في حياتي

وأدري بعد ( فرقاي ) بـ تعيش , وآعيش
................( البارحة ) عدَّى .. وبكرة بـ ( يآتي ) !

أحلامنا ( طيرٍ ) ولكن بلا :- ( ريش ) !
................كل يوم من عيني تطيح .. ( أمنياتي )

تدري بغيابك ليش ما قلت لك : ليش ؟
................في .. غيبتك بيَّنتْ عندك ( غلاتي ) !

[مرزوق العجوني]

من دون حبك سافر ( الحلم ) بدري
.............وانتي على كل ( ذكرياتك ) .. بكيتي !

وشلون اعذرك وانتي اليوم , عذري
.............ماكنت احسبك دون ( حبك ) رضيتي !

عطيتك اجمل ( امنياتي ) وعمري !
.............يوم العطايا بسّمتك ؟ ما ( عطيتي ) .!

[مرزوق العجوني]

عَيطموس ( الغيّد ) وأحلاهن مزايا
..........ترتكي من وين ما شلّيت ( قافي )

سيّدة تلك .. ( الممرّات العرايا ) .؟
..........كنّ نور الشمس لا من جات طافي

معجزة من معجزات ( الله وآية ) .!
..........شوفها بفراشها لا صار .. ( دافي )

( القمر والليل ) , ونجوم وزوايا .؟
..........صاحت وقالت لها ( نوم العوافي ) !

[مرزوق العجوني]

ثراي .. ما ينّشد الغيمه متى تمطّر=ما دامها في سماي .. إتحّن لإغراقي
.،.
رّح وين ما تشتهي ... رّح قــّد ما تقدّر=أنا أول الناس في قلبك ... وأنا الباقي

[مرزوق العجوني]

تكسرت ماعاد في صدري غصون=طارت عصافير الغصون بكابه
بعدك حزين ولا يجي شك وظنون=تايه هنا بين الملل والرتابه