[رشيديه و أفتخر*]

عرفني زماني بصمتي وسكاتي
ماجيت اشكي همي وأحزاني
انا طبعي كتوم وماأبوح معاناتي
عودتني دنيتي لاجات تطيح دمعتي
اداريها بقسوتي وضحكاتي

[النمر1012]

تعالي بكتبك بيت القصيد اللي طـرى بالبـال
واصوّر هالمسا ظلما واحطـك للمسـا نـوره


بغني لك مساء الخير والحن بأسمـك المـوال
وابكتب حسنك غرورك وعيبك بس مغـروره

[غــلا عــونــي]

مانا من الي يدفع العي بالعي
ونفسي في يوم السوم غالي ثمنها
مابدل العادات مادامني حي
يالين تجري بالفيافي تبلها

[النمر1012]

كـان المسـاء ستـر جـرحـي واتـذرابـه
حتـى ولــو كــان نجـمـه مايسليـنـي


أشـعـل بـذكـره شمـوعـي وأتغـنـابـه
وأنـا اشتعـل شـوق والـذكـرى تغنيـنـي


وأتـأمـل بصـمـت ، صمـتـي وأتحـلابـه
وأن جيت أبنسـى مـا ظـن العمـر يكفينـي


تاقـف علـى الـدرب رجلـي وأتحـرى بـه
ومـع طلعـت الشمـس تاخذنـي وتسرينـي

[دهر]

شيٍ هنا بين الضلوع النحااايف ...
يسهر معي لصارووو الناس نيااام

[النمر1012]

يا قلب وش بك ضايق الجاش مهموم انا ادري انّـك دوم قلـب مْتضايـق
لكنّ اشوف ان ضيقتك غير ذا اليوم كنّي أشوف ان دمْك في القاع رايق
الله يعلـم مـا لفـى جفنـي النـوم كنّه وقف للنوم فـي العيـن عايـق
وش فيك يا قلب الشقا ليه مضيـوم ممّا دهاك الراس مـا هـو برايـق
وممّا لفاك مْـن الخفافيـش والبـوم كنّ البدن عن بكرة ااابيـه ضايـق
يفداك يا قلـب العنـا كّـل زيـزوم واللي من الشجعان عَ الحـدّ فايـق
وِمْن الرجال اللي له الرجلـة علـوم وِمْن البنيّ اجمـل بنـات الخلايـق
وِمْن القلوب اللي به الطيبـة تنـوم وِمْن العيون اللي لها رمـش بايـق
وِمْن الطيور اللي على صيده يحـوم وِمْن الخيول اللي سبق دون سايـق
وِمْن العياد اللي بعَد أشهـر الصـوم وِمْن العتاب اللـي يـروح فْدقايـق
وِمْن الرياض اللي ربى فيه يشمـوم وِمْن المزون اللـي مطرهـا دفايـق
ويفداك كلّ العالـم قـروم ورخـوم والصعب جاك ان كنت لاقصاه تايـق
ونذرٍ عليك اللـي بمليـون مسيـوم بسْ لا تضايق.. طالبك لا تضايـق

[محمد الشقامي]

اشكرك على طرح الموضوع
اضرب على الكايدلياصرت بحلان==وعندالولي وصل الرشاونقطاعه

[النمر1012]

والطعنه اللي فرقـت مابيـن دمـي ولحمـي

واللحظة اللي للأسف بالغـدر كانـت حاينـه

واللقمة اللي في يدي وأزريت أوصلها فمـي

حاولت أبجرعهـا ولكـن المصيبـة طامنـه

با صاحبي،، لا تامن الوقت الردي المنعمـي

حتى أخوك اللي معـك ياصاحبـي لاتامنـه

وأكبر دليل شف كم واحد يا رفيقي لي سمي؟

لكن وحدك مسنـدي ضـد السنيـن الخاينـة